"La corte de Faraón" axunta a Sagi y a Norton en Madrid
El direutor d'escena uvieín y el tenor avilesín estrenen nel Teatru de la Zarzuela la "opereta bíblica" que'l Campoamor va recibir en mayu

Jorge Rodríguez-Norton (José), ente María Rodríguez (Reina) y María Rey-Joy (Lota), na función. | JAVIER DEL REAL / GEMMA ESCRIBANO
L'estrenu de "Les bodes de Fígaro" nel Campoamor, va unos díes, y el de "La corte de Faraón" nel Teatru de la Zarzuela, esti día, tuvieron a Emilio Sagi, al mandu de la direición escénica de dambes producciones, diendo y viniendo, de Madrid a Uviéu y d'Uviéu a Madrid. Agora, dempués de la presentación en Madrid de la picardiosa "opereta bíblica" de Vicente Lleó, con llibretu de Guillermo Perrín y Miguel de Palacios, va poder facer una posa viaxera, por fin.
Emilio Sagi cuntaba esti día, unes hores primero del estrenu, que "La corte de Faraón" "siempre foi una obra alloriada ya irreverente", a la qu'él s'esfronó en dar "una vuelta de tuerca", pa consiguir que "les gracies de la dómina na que s'escribió tengan otru arume, más contemporaneu".
La producción nun ye nueva, data de 2012, y ye'l resultáu de la collaboración ente'l teatru Arriaga de Bilbao, onde se representó per primer vegada aquel añu, y el Campoamor, onde llegó unos meses dempués. El próximu 15 de mayu volverá representase n'Uviéu, dientro del Festival de Teatru Llíricu Español de la ciudá.
L'elencu col que "La corte de Faraón" se presentó esti día nel Teatru de la Zarzuela tien al tenor avilesín Jorge Rodríguez-Norton nun papel principal: el del guapu José. Rodríguez-Norton va repitir en mayu n'Uviéu y con él la soprano madrilana María Rey-Joly, nel rol de Lota.
Nel estrenu madrilanu la música corrió al cargu de la Orquesta de la Comunidá de Madrid, titular del Teatru de la Zarzuela, so la dirección de Carlos Aragón.
"Cola ayuda del Gobiernu del Principáu d'Asturies"
- ¿Por qué Asturias tiene (por cuarto año consecutivo) la tasa más alta de cáncer del país y cuáles son los tumores más frecuentes?
- ¿Cuáles son los 31 destinos que tendrá este año el aeropuerto de Asturias? El último operará todos los martes con billetes de ida y vuelta por 86 euros
- Tres alumnos de Oviedo se meten entre los cien mejores de España en el examen MIR (y uno de ellos queda en el puesto 37)
- Los tres países a los que Arcelor desvía su inversión (y en uno construirá otra acería)
- Los asturianos que 'se salieron' en la prueba MIR: la vocación de ayudar, una remontada tras varios suspensos y un alma de cirujano
- Pillan ebrio al conductor de un autobús escolar en Sariego
- Francisco Álvarez-Cascos, absuelto de un delito de apropiación indebida en Foro Asturias
- Los oricios arrasan en su regreso a las mesas: primer día en los restaurantes tras nueve años de veda con precios altos