La matriculación en Llingua Asturiana y Lliteratura crez un 1,2%

Xosé Antón González, xunto a la conseyera Lydia Espina.

Xosé Antón González, xunto a la conseyera Lydia Espina. / EFE

Sixto Cortina (Traducción)

La matriculación en Llingua Asturiana y Lliteratura rexistró esti cursu un incrementu del 1,2%, algamando los 22.909 estudiantes (más otros 31 matriculaos a lo llargo del primer trimestre). Asina-y lo treslladó esti día la conseyera d'Educación, Lydia Espina, al presidente de l'Academia de la Llingua Asturiana, Xosé Antón González nuna xunta na qu'analizaron les meyores na promoción de les llingües autóctones nel sistema educativu.

Nel apartáu normativu, la gran novedá va producise en septiembre cola introducción de la enseñanza de llingua asturiana y eonaviego en tol segundu ciclu d'Infantil (3 a 6 años). Espina anunció esti día que'l borrador del cambiu del decretu d'Infantil, nececesariu pa incluyir esti conteníu nel curriculum educativu, yá ta ellaboráu y va salir a información pública d'equí a poco. Esta midida va tener calter voluntariu pal alumnáu, pero n'Educación albidren que va dir acompañada de la creación d'un centenar de nueves places docentes. Tamién esiste una propuesta de cambiu d'otru decretu pa ufiertar el próximu cursu l'asturianu nes escueles oficiales d'idiomes.

"Cola ayuda del Gobiernu del Principáu d'Asturies"

Tracking Pixel Contents