Les razones poles que más de 5.000 asturianos quedaron ensin trabayu en pasando la campaña navidiega
El Principáu tien 55.368 paraos depués de ser la comunidá con mayor incrementu'l mes pasáu
La inactividá de munchos fixos-discontinuos llastra l'afiliación
Les razones poles que más de 5.000 asturianos quedaron ensin trabayu en pasando la campaña navidiega / LNE
La cuesta de xineru púnxose pindia pal mercáu llaboral. Más de 5.000 asturianos dexaron de trabayar en pasando la campaña de Navidá y el Principáu foi la comunidá onde más s'incrementó'l paru en xineru, el 4,11%, concentráu nel sector servicios y nel xéneru femenín.
Depués de los bonos datos de finales de 2024 que reflexaron tanto los rexistros de les oficines d'empléu como la Encuesta de Población Activa (na qu'Asturies destacaba como la comunidá con mayor medría d'ocupación y mayor baxada del desempléu), les cifres de paru y afiliación a la Seguridá Social de xineru suponen un duru aterrizaxe.
El desempléu. Asturies remató xineru con 55.368 persones en paru, 2.188 más que nel mes anterior (un incrementu del 4,11%, la mayor tasa rexistrada n'España y mui perriba del 1,51% de la media nacional) y 3.848 menos que va un añu (un recorte del 6,50%, percima de la media nacional del 6,08%). El fin de los contratos de la campaña de Navidá foi clave. De los 2.188 nuevos paraos, 1.986 correspuenden al sector servicios y a muncha distancia queden los 116 de la industria, los 82 del coleutivu ensin empléu anterior y los dos tanto de l'agricultura como de la construcción. Amás, la mayoría de los nuevos paraos son muyeres: 1.540 frente a los 648 homes. Xixón, con 629 paraos más, foi'l conceyu con más aumentu de demandantes de trabayu, siguíu d'Uviéu (502), Avilés (241), Llangréu (125), Mieres (78) y Siero (69).
La contratación. Fexéronse n'Asturies 18.249 contratos llaborales, un 0,11% menos que nel mes anterior pero un 1,8 % más qu'en xineru de 2024. El 79,8% de los contratos ficiéronse nel sector servicios. Los indefiníos representaron el 31,7% del total (n'España fueron el 41,9%).
L'afiliación. La media d'afiliaos a la Seguridá Social n'Asturies quedó en xineru en 382.009 persones, 5.072 menos que'l mes anterior (-1,3 %), pero 6.696 más que nel mesmu mes de va un añu (1,78 %). El descensu mensual de l'afiliación tuvo perriba con muncho al de la medría del paru, situación qu'organizaciones sindicales venceyaron col pasu a la inactividá de munchos trabayadores fixos-discontinuos.
"Cola ayuda del Gobiernu del Principáu d'Asturies"
- El senegalés que llegó en cayuco, ahora es informático y se siente un asturiano más: 'Rechazar a los menores migrantes es falta de cultura
- Y otra inversión para Asturias en el sector de defensa: un grupo andaluz se hace con una empresa clave
- Hay fiebre por comprar casa en Asturias y estas son las dos grandes razones
- Otra consecuencia de la descarbonización: Asturias consume por primera vez más electricidad de la que produce al año
- Asturias no protegerá los sonidos y olores del campo: la Junta tumba la propuesta del Partido Popular
- Indra y Santa Bárbara pugnarán por el gran contrato de tanques españoles
- Otro coche al que prenden fuego en esta zona de Asturias y apuntan a cazadores furtivos que atacan a guardas
- La lucha TSK, una ingeniería clave para Asturias, contra la crisis del sector: carga de trabajo para tres años y récord de trabajadores
