Asturies celebrará un "Investor's Day": ¿qué ye y cuándo va ser?
L'eventu va axuntar a más d'un centenar d'inversores y a 75 startups
D'izquierda a derecha, abaxo: Cristina Fanjul, direutora del CEEI; Iván Aitor Lucas, viceconseyeru de Ciencia; Francisco Pérez, sociu fundador de la empresa Loutkar Robotics; David González, direutor de Sekuens. Na filera d'enriba, María Antonia Iturbe, de la Sociedá Rexonal de Promoción (SRP); Dario Méndez, inversor y cofundador de El Tenedor; Ángeles Silverio, de la SRP; y Verónica Álvarez, del CEEI.
Asturies celebrará'l próximu mes d'abril un "Investor's Day". Ello ye que será'l mayor foru discurríu pol Gobiernu del Principáu coles mires d'atropar financiación pa empreses emerxentes (más conocíes como startups) y de base tecnolóxica. L'eventu, que va entamase'l 24 d'abril en Llaboral Centru d'Arte y Creación Industrial de Xixón, va axuntar a más de 125 inversores y 75 compañíes emerxentes, según avanzó esti día na so presentación el viceconseyeru de Ciencia, Anovación, Investigación y Tresformación Dixital, Iván Aitor Lucas, y el direutor executivu de l'Axencia Sekuens, David González.
A lo llargo de les sos siete ediciones, "Asturies Investor's Day" atraxo a 540 inversores, 443 startups y 2.177 asistentes. Esti añu, el Principáu va dar prioridá a la participación d'empreses y proyeutos de tecnoloxíes venceyaes al sector agrícola, la biotecnoloxía, la salú ya iniciatives qu'incorporen de forma tresversal la intelixencia artificial y tean mui venceyaos a la industria. Con ello, el Gobiernu autonómicu nagua por asitiar a la comunidá a la cabeza del país en creación y desarrollu d'empreses emerxentes.
“Esti eventu ye una oportunidá pa que los inversores afayen equí lo que nun hai en grandes ciudaes como Madrid o Barcelona”, dixo'l viceconseyeru en referencia a les compañíes altamente anovadores que desenvuelven la so actividá n'Asturies. Na presentación tamién participaron la direutora del CEEI, Cristina Fanjul, mesmo que Francisco Pérez, sociu fundador de Loutkar Robotics que l'añu pasáu llogró financiación pal so desarrollu, y Darío Méndez, inversor y cofundador d'El Tenedor, que va participar na edición d'esti añu.
Convidaos estrella
Dientro del programa p'abril, destaca la participación de Marta Huidobro, presidenta de l'Asociación Española de Business Angels (AEBAN); Carolina Rodríguez, cofundadora de la consultoría nacional Spinoff y rceadora del podcast Sangre d'Unicorniu, y Fran Piera, sociu fundador de Successful Fund, fondu d'inversión públicu-priváu operativu n'Asturies.
Tamién se va presentar Halioooo, un Venture studio (compañía que crea empreses emerxentes) diseñáu pa impulsar l'emprendimientu tecnolóxicu, especialmente nel ámbitu de la tecnoloxía fonda (Deep tech). Lideráu pol matemáticu asturianu José Luis Flórez, reconocíu pol so papel na creación d'empreses anovadores como Neometrics y Dive, el proyeutu pon el focu nel desenvolvimientu de productos y firmes emerxentes basaes na intelixencia artificial.
"Cola ayuda del Gobiernu del Principáu d'Asturies"
- Descubren petróleo y gas en estas zonas de Asturias... pero solo serán viables si el crudo se encarece
- Los motivos por los que Asturias tendrá el tipo de IRPF más alto de España para las menores rentas
- Retraso de cuatro horas en el tren Madrid-Asturias por la muerte de un hombre en el trayecto
- Francisco Espinosa, el empresario andaluz que acaba de comprar una empresa asturiana clave para defensa: 'La región es un polo industrial atractivo
- Habla el socialista que dimitió en el Principado por la protección del lobo: 'Por fin hay sentido común
- Alerta en los Picos de Europa: el hielo primitivo de una icónica cueva se derrite
- Crónica de una jornada negra en las carreteras asturianas: tres muertos y una herida grave en cuatro accidentes
- Este sábado habrá eclipse solar y se verá en Asturias: lugar, horario y medios para poder disfrutarlo
