Les sanciones a los pisos turísticos n'Asturies cuasi se doblaron l'añu pasáu
El Principáu multiplica por siete les inspeiciones pa garantizar un crecimientu "responsable" y "respetuosu" del sector
Les sanciones a los pisos turísticos n'Asturies / LNE
Les inspeiciones a pisos turísticos muntiplicáronse por siete nel últimu añu n'Asturies, mentanto que les sanciones tuvieron cerca de doblase. La vicepresidenta del Principáu, Gimena Llamedo, destacó esti día la importancia de les cifres, que sofiten l'apuesta del Principáu por consiguir un desenvolvimientu turísticu "sostenible, equilibráu y respetuosu cola redolada". "Queremos siguir atendiendo la calidá de vida de los asturianos y meyorando la esperiencia d'aquellos que deciden visitanos", afirmó. Porque "la llegalidá y la calidá van de la mano".
En concretu, el Principáu fexo 3.366 inspeiciones n'empreses turístiques a lo llargo de 2024, un 173,7% más que l'anterior (1.230). Esti crecimientu foi entá más significativu nel ámbitu de les viviendes d'usu turísticu: 1.825 inspeiciones en 2024 frente a les 248 de 2023, lo que supon un aumentu del 636,7%.
Al respeutive de les sanciones, tamién se rexistró una medría importante. En total tramitáronse 617, frente a les 522 del añu anterior. Nel casu específicu de les viviendes d'usu turísticu, pasaron de 62 a 117, esto ye, aumentaron un 88%.
Esti refuerzu del control sobre'l sector pudo entamase gracies al aumentu de les actuaciones d'oficiu, y al ponese en marcha una aplicación que detecta establecimientos illegales. Amás, modificóse la Llei de Turismu y trabáyase nun decretu específicu sobre les condiciones que tienen de cumplir les viviendes d'usu turísticu. "Avancemos nuna normativa específica que garantice'l crecimientu del sector, pero que se faiga con criterios de responsabilidá y respetu al nuesu territoriu y la nuesa xente", indicó Llamedo.
"Cola ayuda del Gobiernu del Principáu d'Asturies"
- La industria asturiana se rearma: habrá cinco fábricas de defensa con los nuevos proyectos de Indra, Tess y el grupo Escribano
- Más de 300 alumnos de Medicina aprenden en Oviedo cómo transmitir las malas noticias a los pacientes y a usar la inteligencia artificial
- Indra compra El Tallerón de Duro Felguera para fabricar blindados
- La defensa pide excarcelar al homicida de Beifar: se ha casado en prisión y no hay riesgo de fuga
- ¿Cuántas familias asturianas sin ingresos reciben ayudas todos los meses? Estas son las grandes cifras del salario social y el ingreso mínimo vital en la región
- Duro Felguera abandona el taller 35 años después: la plantilla confía en mantener las condiciones laborales
- Los trabajadores de Renfe irán a la huelga: estos son los días de paros y los servicios mínimos
- Varios kilómetros de retenciones por un choque a la altura de Parque Principado
