Asturies axunta población y alloña la medrana a la cayida del millón
La cifra a 1 de xineru asitia en 1.014.112 habitantes, nun enclín alcista, y cai l'índiz de riesgu de probeza
Asturies axunta población y alloña la medrana a la cayida del millón / LNE
Asturies estrémase del riesgu de cayida del millón d'habitantes, un problema que la comunidá enfrentaba nel añu 2022, pero qu'agora escuerre gracies al fluxu d'inmigrantes. L'Institutu Nacional d'Estadística publicó los últimos datos del so cómputu continuu de población, una vegada que modificó y meyoró'l sistema de rexistru d'habitantes, dexando que tea más actualizáu y evite duplicidades. Según los datos, Asturies asitia a fecha de 1 de xineru de 2025 en 1.014.112 habitantes, ye dicir como si al millón de residentes entá axuntara una población equivalente a la de Llanera. El datu conseña un enclín alcista ya inesperáu. Con fecha del 1 d'abril de 2024 la estadística de población afitaba pal Principáu 1.009.161 residentes, lo que supon un incrementu del 0,5% por cientu.
Esi aumentu de población prodúzse nun ciclu de crecimientu pa toles comunidaes nel conxuntu d'España. Asina, nel país la cifra de población a 1 de xineru de 2025 asitia nun total de 49.077.984 residentes, lo que significa incrementar en 115.612 el total d'habitantes. Les mayores crecederes porcentuales por comunidaes autónomes rexistráronse na Comunidad Valenciana, Madrid o Cataluña. N'Asturies, l'ascensu respeuto al trimestre anterior foi del 0,15%, per debaxo del 0,24% mediu nacional.
L'INE fixo públicos tamién va unos díes los sos datos sobre condiciones de vida. Nellos enxarétase'l porcentaxe de población asturiana en riesgu de probeza o esclusión social, la denominada "tasa Arope", un parámetru que'l Gobiernu asturianu siempre dio por imprecisa al tar suxeta a grandes taramingos, yá que se trata d'un índiz estadísticu.
L'INE señala que'l porcentaxe de población en riesgu de probeza n'Asturies baxó más de cuatro puntos nel últimu añu hasta asitiar nel 20,9% (en 2023 taba nel 25%), mentanto que la población con "falta material y social severa" menguó en 8 décimes, hasta'l 5,7%. La renta añal neta media por llar asitia nel Principáu en 35.784 euros frente a los 33.309 euros de 2023.
"Cola ayuda del Gobiernu del Principáu d'Asturies"
- Los motivos por los que Asturias tendrá el tipo de IRPF más alto de España para las menores rentas
- La millonaria inversión que una empresa de placas solares anuncia en Gijón y los miles de empleos que creará
- Alerta en los Picos de Europa: el hielo primitivo de una icónica cueva se derrite
- Crónica de una jornada negra en las carreteras asturianas: tres muertos y una herida grave en cuatro accidentes
- Las claves de la reforma del IRPF en Asturias: se modifican los tramos para beneficiar “a las clases medias trabajadoras”
- Hacienda da marcha atrás y devolverá en un solo pago el IRPF a los antiguos mutualistas
- Un exconcejal de Noreña, condenado a más de dos años de cárcel por la muerte de un trabajador
- Este sábado habrá eclipse solar y se verá en Asturias: lugar, horario y medios para poder disfrutarlo
