El elevadísimu porcentaxe d'alcaldes que degolen los 55 años (y otros curiosos datos sobre l'avieyamientu d'Asturies)
Los mayores de 75 años qu'usen les nueves tecnoloxíes crecen hasta'l 24,3 por cientu
Mapa edaes.
Asturies ye una comunidá más bien avieyada y eso nótase tamién na política, nos conceyos y na Xunta Xeneral. El Principáu encabeza'l ranking d'España de dirixentes séniors, con un 80% d'alcaldes mayores de 55 años. Tamién tien la mayor proporción d'electores mayores de 55 años (52,43%) y ocupa la segunda posición en cuanto al porcentaxe de diputaos que superen esa edá, con un 42,22%.
Asina figura nel Ranking de Territorios pola Economía Sénior, realizáu pol Centru d'Investigación Ageingnomics de Fundación Mapfre, presentáu apocayá y que busca conocer la situación de la población sénior nel país pa pescudar nes sos oportunidaes.
Ente otres cuestiones, el Principáu d'Asturies tamién destaca por ser la segunda comunidá col mayor porcentaxe de persones mayores de 55 años asalariaes (21,43%). A pesar d'estes meyores, la tasa d'actividá sénior sigue siendo una de les más baxes, asitiando nel 24,35%, "lo qu'indica qu'entá esisten retos tocantes a la participación activa d'esti coleutivu nel mercáu llaboral", valoren los investigadores d'Ageinomics.
Tocantes a la pensión media de xubilación, la comunidá caltiense ente les comunidades más destacaes, ocupando la segunda posición con una media de 1.640,84 euros al mes, xusto detrás de País Vascu. Amás, Asturies tamién llogró avanzar na dixitalización de la población sénior, pasando de la octava a la cuarta posición en cuanto al porcentaxe de mayores de 75 años usuarios de TIC, algamando un 24,30%. "Esto reflexa un esfuerzu significativu na integración de los mayores na era dixital, contribuyendo a meyorar la so calidá de vida y accesu a servicios", valoren.
Variables
Sicasí, a la d'analizar toles variables, Asturies nun figura ente les comunidaes con mayor potencial p'aprovechar les oportunidaes que brinda la población sénior, "con un gran poder adquisitivu, altu consumu y una contribución clave nel mercáu llaboral". Esi llistáu lidéralu Castiella y Lleón, siguida pol País Vascu y por Cataluña. Madrid ta a la cabeza en prestación d'asistencia a mayores.
"Cola ayuda del Gobiernu del Principáu d'Asturies"
- Descubren petróleo y gas en estas zonas de Asturias... pero solo serán viables si el crudo se encarece
- Los motivos por los que Asturias tendrá el tipo de IRPF más alto de España para las menores rentas
- Retraso de cuatro horas en el tren Madrid-Asturias por la muerte de un hombre en el trayecto
- Francisco Espinosa, el empresario andaluz que acaba de comprar una empresa asturiana clave para defensa: 'La región es un polo industrial atractivo
- Habla el socialista que dimitió en el Principado por la protección del lobo: 'Por fin hay sentido común
- Alerta en los Picos de Europa: el hielo primitivo de una icónica cueva se derrite
- Crónica de una jornada negra en las carreteras asturianas: tres muertos y una herida grave en cuatro accidentes
- Este sábado habrá eclipse solar y se verá en Asturias: lugar, horario y medios para poder disfrutarlo
