Marcos Tamargo lleva la so nueva serie a Londres y Nueva York
L'artista xixonés, que va participar en 14 feries esti añu, rescampla en "Anábasis Blanca" paisaxes de los sos viaxes: "Hai muncha influencia tamién d'Asturies"
Marcos Tamargo, nel so estudiu. | MARCOS LEÓN
Vien de trunfar n'Art-Madrid, onde Marcos Tamargo vendió les 16 obres que llevó a esta feria d'arte contemporáneo. Preséntase pal artista plásticu xixonés un añu bien interesante, nel que va llevar el so trabayu a un total de 14 feries per tol mundu. Bruxeles foi la qu'abrió la veda esti añu, y agora, depués Madrid, va tar en Londres en "Battersea" y dempués n'Estaos Xuníos cola New York Art Fair. Va aportar ellí coles obres de la so nueva serie "Anábasis Blanca", "daqué asina como ‘L'ascensu del viaxe’", matiza Tamargo. "Rescamplo paisaxes de los mios viaxes, onde Asturies tien muncha influencia, con materiales d'esos viaxes", comenta l'artista.
"La rosa y la vid II". / LNE
Tamién nesta nueva llinia d'obres cólase la influencia de los viñes y los paisaxes de Castiella, por cuenta de los sos trabayos más de recién con bodegues. "Y rescamplo les borrines, les nieves, y la materia. Voi recoyéndola de los distintos llugares onde viaxo", sorraya Tamargo, que resalta tamién que nestes pieces tán mui presentes guiños a Xixón, la marina d'Asturies y los pueblos de so padre y so madre nos conceyos de Tinéu y Candamu.
Obra "La frontera". / LNE
Una de les novedaes nestos últimos meses nel so trabayu ye que tomó p'hacia'l papel y abandó la tabla. "Ye dalgo que me caracterizó siempre muncho, llevaba dos años ensin trabayar sobre papel. Y volví al papel de gran gramaxe, que tien complexidá a la de trabayar, porque la mio pintura ye fuerte, de pincelada llarga y segura", comenta l'artista xixonés. "Y nel papel esa pincelada ye mui delicada. Pero fai un contraste bien guapu la delicadeza de la pintura y el papel cola fuerza de la trazada", fae.
Homenaxe a la paternidá
Siguen y caltien los tonos grises nos sos trabayos Marcos Tamargo, pero cólase tamién una pequeña mirada con color dientro d'un homenaxe a la nacencia de los sos fíos, con unes escultures, "con una pintura más allegre, un chisgu de felicidá pola paternidá".
L'añu pa Tamargo va ser mui intensu, tien planiaes siete feries enantes del branu. A les yá mentaes de Bruxeles, Madrid, Londres y Nueva York van axuntáse-yos les de Austin (Estaos Xuníos), Viena y Berlín. Y depués el periodu braniegu entá-y va quedar tornar a Londres, Madrid y Nueva York otra vuelta, y axuntar tamién Hamburgo, Ámsterdam, Estocolmo y Copenhague.
"Cola ayuda del Gobiernu del Principáu d'Asturies"
- Descubren petróleo y gas en estas zonas de Asturias... pero solo serán viables si el crudo se encarece
- Los motivos por los que Asturias tendrá el tipo de IRPF más alto de España para las menores rentas
- Retraso de cuatro horas en el tren Madrid-Asturias por la muerte de un hombre en el trayecto
- Francisco Espinosa, el empresario andaluz que acaba de comprar una empresa asturiana clave para defensa: 'La región es un polo industrial atractivo
- Habla el socialista que dimitió en el Principado por la protección del lobo: 'Por fin hay sentido común
- Alerta en los Picos de Europa: el hielo primitivo de una icónica cueva se derrite
- Crónica de una jornada negra en las carreteras asturianas: tres muertos y una herida grave en cuatro accidentes
- Este sábado habrá eclipse solar y se verá en Asturias: lugar, horario y medios para poder disfrutarlo
