La Xira Didáctica, una nueva iniciativa del Principáu pa los estudiantes con actividaes gratuites n'asturianu y eonaviego
El Principáu presenta la inicitiva Xira Didáctica que va ufiertar a los estudiantes actividaes gratuites n'asturianu y eonaviego. / Principáu
S. C.
Los direutores xenerales d'Aición Cultural y Normalización Llingüística, Antón García, y d'Inclusión Educativa y Ordenación, David Artime, presentaron esti miércoles pasáu la Xira Didáctica, una iniciativa destinada a ufiertar actividaes culturales n'asturianu y eonaviego al alumnáu de Primaria, Secundaria y Bachilleratu de dellos conceyos.
Nesta primer convocatoria programáronse siete espectáculos creaos por artistes y compañíes del Principáu, qu'utilicen l'asturianu y l'eonaviego como llingües vehiculares.
Toles propuestes combinen un conteníu educativu específicu pa cada rangu d'edá con una alta calidá artística, afayándose al so públicu oxetivu. Les artes escéniques y la música van ser les protagonistes nos próximos meses, y cuéntase con incorporar una amplia variedá de disciplines artístiques en futures convocatories.
El Gobiernu d'Asturies recupera cola Xira Didáctica la esencia del proyeutu Axenda Didáctica, que tuvo un gran siguimientu a lo llargo de los sos años d'implantación, con decenes d'actividaes de dellos sectores artísticos, mui esperaes polos centros escolares.
Les actividaes d'esti programa son gratuites pa garantizar los derechos culturales nes llingües propies de la comunidá educativa. Los centros namás van tener qu'asumir los gastos de desplazamientu, en casu de que faiga falta.
Les places tán llindaes y puede consultase'l procedimientu pa facer la inscripción, asina como los criterios pa participar, en www.asturiesculturaenrede.com o en www.educastur.es. El plazu d'inscripción empieza'l 13 de marzu a les 09.30 hores y remata'l 28 de marzu a les 14.30 hores.
Esta Xira Didáctica enxarétase nes iniciatives del Principáu p'afalar la enseñanza, l'usu y la promoción del asturianu y l'eonaviego nes aules. Otres midíes qu'acrediten esti firme compromisu son la inclusión, a partir de setiembre, de la llingua asturiana nel segundu ciclu d'Infantil y nes Escueles Oficiales d'Idiomes; la so presencia nos premios estraordinarios; la so valoración como méritu computable nes oposiciones; y el futuru sellu d'excelencia Llume.
"Cola ayuda del Gobiernu del Principáu d'Asturies"
- Descubren petróleo y gas en estas zonas de Asturias... pero solo serán viables si el crudo se encarece
- Los motivos por los que Asturias tendrá el tipo de IRPF más alto de España para las menores rentas
- Retraso de cuatro horas en el tren Madrid-Asturias por la muerte de un hombre en el trayecto
- Francisco Espinosa, el empresario andaluz que acaba de comprar una empresa asturiana clave para defensa: 'La región es un polo industrial atractivo
- Habla el socialista que dimitió en el Principado por la protección del lobo: 'Por fin hay sentido común
- Alerta en los Picos de Europa: el hielo primitivo de una icónica cueva se derrite
- Crónica de una jornada negra en las carreteras asturianas: tres muertos y una herida grave en cuatro accidentes
- Este sábado habrá eclipse solar y se verá en Asturias: lugar, horario y medios para poder disfrutarlo
