Llangréu empodera a les muyeres indíxenes en Guatemala
El Conceyu de Solidaridá y Xusticia de Llangréu ayuda a les muyeres a entamar sistemes de recoyida d'agua, güertos y gallineros pa desarrollar una producción que permita combatir la desnutrición infantil
Una de les actividaes desarrollaes polos llangreanos en Guatemala. | LNE
La solidaridá llangreana llega a Guatemala pa contribuyir al "Empoderamientu económicu y políticu de les muyeres indíxenes del conceyu de Chicamán pal combate de la probeza", qu'asina se llama'l proyeutu que desarrolla en Chicamán, nel departamentu de Quiché, el Conceyu de Solidaridá y Xusticia de Llangréu y que ta financiáu pola Axencia de Cooperación del Principáu y los conceyos de Llangréu y d'Uviéu. Ello ye, a lo último, de "contribuyir dende un sistema alimentariu alternativu, solidariu, sostenible y con equidá étnico y de xéneru al tresformamientu de los factores económicos, sociales, institucionales y medioambientales que determinen les condiciones d'inseguridá alimentaria de les comunidaes maya y mestices de Chicamán", esplica Roberto Álvarez Abella.
Ún de los pasos fundamentales pa llograr esi empoderamientu políticu y económicu de les muyeres pasa por que se cumplan derechos tan básicos pa elles como l'alimentación y el derechu a una vida ensin violencia. Pa ello, los voluntarios llangreanos encárguense de texer redes ente les organizaciones de muyeres de la zona.
Otra de les actividaes desarrollaes polos llangreanos en Guatemala. / LNE
Ye aparentemente cenciello: agua, agricultura y formación. Fácil dende fuera pero ellí, nel terrén, eso supon bien de trabayu que se traduz n'aiciones concretes. Los llangreanos collaboren na construcción de 50 tanques de captación d'agua de lluvia de 14.000 llitros caún; la renovación de 50 teyaos de viviendes por otros más aislantes y lacaos p'ameyorar la salubridá del agua que se recueye; la meyora de 260 filtros potabilizadores de l'agua de lluvia. Una vegada que se tenga l'agua, van construyise 50 gallineros familiares, 50 güertos y diez colmenares.
Tou eso fadráse cola collaboración del Conceyu de Solidaridá y Xusticia de Llangréu y los voluntarios que se treslladaron a Guatemala, pero l'oxetivu ye que seyan les muyeres indíxenes les que faigan espolletar esos güertos, esos gallineros o esos truébanos que van sirvir pa meyorar la so calidá de vida vendiendo los escedentes a la cooperativa Buena Semilla. Amás del trabayu práuticu, tamién s'imparte teoría con talleres d'agronomía sostenible y ecolóxica y 34 talleres formativos empobinaos a lidereses comuñales y muyeres particulares de toles comunidaes con una temática mui variada que va dende la equidá de xéneru y el fortalecimientu organizativu de les muyeres a la producción d'hortolices o la ellaboración de fertilizantes naturales. Ello ye, por qu'al traviés del empoderamientu de les muyeres se llogre acabar cola llacería de la desnutrición infantil.
"Cola ayuda del Gobiernu del Principáu d'Asturies"
Suscríbete para seguir leyendo
- Cuando habló en Oviedo el cardenal que ahora avisa de un posible cisma si sale otro Papa como Francisco: 'No soy una copia de él, que tiene serviles aplaudidores
- Caos total en la Y durante dos horas: tres accidentes con un herido, diez vehículos siniestrados y un atasco de más de 10 kilómetros
- Me incliné por ser ginecólogo cuando logramos salvar la vida de una mujer con una hemorragia posparto que parecía irresoluble
- La raza asturiana de perro que necesita ayuda para ser solución contra el lobo: esto piden sus criadores
- El Sella se lo llevó en un tramo poco concurrido, pero que tenía 'fuerte corriente': la tragedia del catalán que se bajó para enderezar su canoa
- Ola de calor en Asturias: los termómetros rozarán la semana que viene los 30 grados
- El cardenal corrupto que quiere ir al cónclave rezó en la Catedral por los mártires de Oviedo
- ¿Por qué los 500 millones para blindados del plan de defensa son una gran ocasión para Asturias? La clave está en dos corredores industriales
