El Belles Artes llega per primer vegada al oriente asturianu coles sos coleiciones
El muséu presenta una esposición en Carreña de Cabrales con una seleición de los sos fondos de grabáu contemporaneu d'artistes asturianos
Un grabáu espuestu en Casa Bárcena. | Muséu de Belles Artes d'Asturies
Les actividaes y esposiciones del Muséu de Belles Artes d'Asturies espárdense dende l'añu 2010 per tol territoriu asturianu. Va unos díes llegaron per primer vegada a la zona oriental d'Asturies, concretamente al conceyu de Cabrales, onde, en collaboración col Conceyu, el Muséu inauguró una gran amuesa dedicada al grabáu contemporaneu, con trenta obres escoyíes d'ente les sos coleiciones. La esposición ocupa les dependencies de la Casa Bárcena, un edificiu que data del sieglu XVII y que ta asitiáu na localidá de Carreña de Cabrales.
La llista d'artistes representaos na esposición, comisariada por Laura Baños, ayudante-conservadora d'artes industriales y artes gráfiques del Belles Artes, ye peramplia. Empieza col xixonés Adolfo Bartolomé y sigue con Elías García Benavides, Fernando Fernández Redruello, Bernardo Sanjurjo, José Paredes, Ángel Guache, Melquíades Álvarez, Miguel Galano, Ricardo Mojardín, Pelayo Ortega, María Álvarez Morán, Pablo Maojo, José Carlos Álvarez Cabrero, Francisco Velasco, Tadanori Yamaguchi, Beatriz Corredoira, Angélica García, Marta Fermín, Laura Blanco y Valle Baranda, y asina hasta completar la trentena.
Toos son artistes asturianos o venceyaos profesionalmente a Asturies, de delles xeneraciones, y dalgunos, amás, destacaron pol so compromisu col fomentu de la obra gráfica na comunidá, bien como docentes, como Sanjurjo, Redruello o Mojardín; como estampadores, casu de Velasco y Fermín, o como editores, casu del uvieín Fermín Santos, del que s'amuesen delles obres procedentes de les carpetes realizaes pola so editorial Pata Negra.
Actividaes educatives
La esposición va permanecer instalada na Casa Bárcena hasta'l próximu 31 d'agostu y acompañóse d'un cuidáu folletu de mano, diseñáu por Marco Recuero. Va poder visitase los martes y xueves de 10.00 a 13.00 y de 17.00 a 19.00 hores y los vienres de 10.00 a 13.00 hores.
D'equí a poco'l Muséu va anunciar delles actividaes educatives programaes alredor d'ella.
"Cola ayuda del Gobiernu del Principáu d'Asturies"
- El Narcea da el campanu de Asturias: casi 7 kilos y capturado a cinco minutos de que se cerrase la cuarta jornada
- El accidente de Cerredo hace estallar la larga y soterrada guerra por el carbón: denuncias y lucha por los restos de un imperio
- Un asturiano frena una norma catalana que marginaba el castellano en clase
- Un lobo causa estragos en un pueblo de Quirós y lo cazan 'in fraganti' con una cámara: 'Cada vez se atreven más a acercarse
- Barbón pide disculpas por su comportamiento en la Junta: 'No es habitual en mí
- Cangas del Narcea acoge el gran escaparate ganadero del año en el Principado
- La instrucción del caso Hulla, a punto de concluir: ya no está Villa acusado, pero estos son los delitos imputados a 16 implicados
- Estábamos sacando carbón', dicen los mineros heridos de Cerredo
