El Puertu d'Avilés degola récord, y éstes son les razones

L'añu 2024 foi de los meyores que se recuerden nel Puertu d'Avilés, según reflexen les cuentes al zarru del exerciciu. Tolos parámetros son positivos: degolóse'l récord en volume de negociu y nel valor de les mercancíes (más valor amestáu), incrementóse'l beneficiu, hubo mayor ocupación d'espacios portuarios y del tráficu de mercancíes, más rentabilidá y amortizóse la deuda dafechu. Esto traduzse en que l'Autoridá Portuaria tien suficiencia económica pa encarar el so plan d'inversiones y capacidá d'endeudamientu si fixera falta.

El conseyu d'alministración axuntáu va unos díes analizó los resultaos económicos correspondientes a 2024, nel que'l Puertu ganó 3.317.000 euros primero d'impuestos, un 5,6% más qu'en 2023. Pero amás, la cifra neta de negociu xubió a 18.654.032 euros "la más alta de la so hestoria", según l'Autoridá Portuaria, y el 9,3% superior a los 17.122.863 euros que s'algamaren en 2023. 

Otros datos facilitaos pol conseyu d'alministración portuariu son el tráficu de mercancíes, qu'algamó les 4.650.653 tonelaes, un 1,52% más qu'en 2023. Y tamién la tasa d'usu (inclúi, ente otres, la tasa a la mercancía y al buque y representa la mayor partida d'ingresos), que llegó a los 8.867.578 euros, un 4,8% más qu'en 2023. La tasa d'ocupación creció en 2024 un 15%, hasta los 6.512.044 euros. Y la d'actividá, un 13% hasta los 2.242.072 euros. 

Un datu importante ye la rentabilidá consiguida a lo llargo del exerciciu 2024, que'l Puertu facilita en términos agregaos (beneficios sobre activos fixos), y que foi del 4,1%, frente al 2,89% de 2023. "Caltiense percima del oxetivu de rentabilidá añal establecíu nel 2,5% pal conxuntu del sistema portuariu español", matizaron dende l'Autoridá Portuaria. El volume d'inversión executada en 2024 llegó a los 13.144.000 euros. Un datu que cobra más interés si se tien en cuenta que, al empar, tiense amortizao antemanadamente'l conxuntu de la deuda bancaria (ICO y Bancu Européu d'Inversiones) por importe total de 6.679.500 euros.

Tanto'l beneficiu positivu llográu como que'l volume de deuda seya nulu, son garantía pa la execución de les obres d'espansión del Puertu d'Avilés que yá tán entames. Nesti espaciu d'espansión inclúyese la escampada que va xunir los muelles de Valliniello y el d'ArcelorMittal, que'l so plazu d'execución amplíase seis selmanes, hasta'l 2 de xunu.

La parcela "Ariexca"

El conseyu d'alministración de l'Autoridá Portuaria aprobó la concesión alministrativa a Asturfeito d'una parcela de 13.802 metros cuadraos na marxe derecha de la ría por un periodu de 15 años. Ye la conocida como "parcela d'Ariexca", frente al muelle de Valliniello. 

La empresa va construyir una planta na que va realizar nella'l montaxe final de los equipos de grandes dimensiones que fabrica nes sos instalaciones del Parque Empresarial Principáu d'Asturies (PEPA) pa esportalos dende'l Puertu d'Avilés a plantes industriales del sector enerxéticu de tol mundu.

"Cola ayuda del Gobiernu del Principáu d'Asturies"

Suscríbete para seguir leyendo