BBVA corrixe al alza les sos previsiones: Asturies va crecer el 2,3% esti añu al xubir el consumu

El productu interior brutu (PIB) d'Asturies va crecer esti añu'l 2,3%, según el serviciu d'estudios BBVA Research, qu'alzó la so previsión de crecimientu del Principáu pa esti 2025 dende'l 2% por un meyor comportamientu del consumu. Sicasí, l'alza del PIB va ser el segundu más baxu ente les comunidaes autónomes, solo perriba del de Castiella y Lleón (2,2%) y al mesmu nivel qu'el de Cantabria (2,3%). Pa 2026 caltiense la previsión de crecimientu p'Asturies del 1,7%.

Nel casu del conxuntu del país, BBVA Research alzó les sos previsiones tanto pa 2025 –del 2,3 al 2,8%–, como pa 2026 –del 1,7 al 1,8%–. Esti serviciu d'estudios destaca qu'esti añu caltiense la perspectiva de "un sólidu crecimientu" de la economía española por cuenta de la "fortaleza" del consumu priváu, de les esportaciones y de servicios turísticos. Sicasí, precisa que "la baxa crecedera d'Europa y la incertidume na redolada internacional nun permiten entá un mayor protagonismu de les ventes de bienes al esterior".

"Cola ayuda del Gobiernu del Principáu d'Asturies"