¿Cuála ye la xuntura ente Castrillón y Eslovenia? Un mineral consideráu "una ayalga", la clave
La Mina d'Arnáu acueye una esposición sobre la estraición mineral n'Idrija, que vivió un crecimientu descomanáu gracies a esta industria
Un detalle de la esposición. | ÁNGEL GONZÁLEZ
De primeres puede abultar que Castrillón y Eslovenia tienen pocos filos de xuntura, pero dende va unos díes hai daqué qu'axunta dambos territorios. El Muséu de la Mina de Arnáu acueye a lo llargo d'estos díes una esposición sobre la minería de mercuriu, la industria que marcó la hestoria d'Idrija, un pueblu del país balcánicu. "Cuando fui a ver el so muséu llevé una sorpresa prestosa, porque la minería tuviera un papel fundamental nel desarrollu de la zona, como pasó n'Arnáu", apuntó Dulce Vega, responsable de Sadim. Pa inaugurar la esposición aportaron Miha Kosmac, direutor del muséu Mestni Muzej Idrija, y Marija Terpin Mlinar, comisaria de l'amuesa.
Marija Terpin Mlinar, a la mandrecha, dando la so esplicación. / LNE
"Tamos percontentos d'aterrizar n'España nun sitiu como Arnáu. Pa nós ye perimportante enseñar la nuesa tradición minera", destacó Kosmac, qu'apuntó que la Mina d'Idrija ye Patrimoniu Mundial de la Unesco. Pela so parte, Mlinar dio una esplicación de la importancia que tuvo'l mercuriu pa la zona. La eslovena comentó que los mineros, pa nun se intoxicar, facíen turnos curtios. Amás, parte de lo que se sacaba usábase pa facer pigmentu coloráu, cosa que puede vese na mesma esposición. Otru de los usos del mineral yera'l de facer maquillaxe o pa sacar oru y plata d'otres esplotaciones. Anque los homes yeren los encargaos de dir a la mina, les muyeres tamién teníen un papel relevante nesta historia. Elles encargábense de facer encaxe de boliyos, creando tapetes o manteles que depués vendíen. Esa parte tamién ta reconocida pola Unesco como parte del Patrimoniu Inmaterial de la Humanidá.
El mercuriu yera la gran ayalga d'Idrija, llegando a convertise na segunda mina más importante del mundu. A lo llargo de los años tuvieron una gran relación cola mina de mercuriu d'Almadés, en Ciudá Real. Dende'l 2011 ta prohibío estrayer el mineral pola contaminación que produz.
"Cola ayuda del Gobiernu del Principáu d'Asturies"
- Muere el pasajero de un avión en el Aeropuerto de Asturias: una viajera y sanitarios de una UVI móvil desplazada (el aeródromo ya no tiene ambulancia) intentaron reanimarle
- La familia asturiana Cosmen mantiene su empeño en operar trenes en el Eurotúnel, pese al primer revés
- Incertidumbre en el ministerio de Puente: ¿podrán los nuevos trenes de mercancías pasar por la línea del AVE asturiano?
- Las razones de Nacho Manzano para cerrar su restaurante de Oviedo con estrella Michelin: “Era imposible mantener el nivel por falta de tiempo”
- La Aemet advierte de una 'anomalía' que llega a Asturias la próxima semana: calor y lluvias fuera de lo común
- Nacho Manzano sopesa el cierre de su restaurante con estrella Michelin NM
- Los 850 empleos que Indra ofrecerá en Asturias: los perfiles que demanda (desde ingenieros a estudiantes de FP) y cómo optar a ellos
- Lo que han conseguido los médicos con la huelga en Asturias: guardias de 12 horas, más sueldo para los MIR, menos penalización si trabajan en la privada...
