La figurinista Naiara Beistegui candidata al premiu "Talía" pola "Anna Bolena" del Campoamor

La figurinista bilbaína Naiara Beistegui foi nominada a los "Talía", los premios a la escelencia qu'otorga l'Academia de les Artes Escéniques d'España, pol vestuariu de "Anna Bolena", una producción de la Ópera d'Uviéu que s'estrenó nel teatru Campoamor en septiembre de 2024. Los ganadores de los "Talía", nes sos estremaes categoríes, van asoleyase nuna gala que se va celebrar el próximu 12 de mayu nel Teatru Fernán Gómez Centro Cultural de la Villa, en Madrid. La "Anna Bolena" de Donizetti estrenada la pasada temporada n'Uviéu aportó cola direición d'escena d'Emilio López, el diseñu d'escenografía corrió al cargu de la escenógrafa asturiana Carmen Castañón y el diseñu de llume del tamién asturianu Alfonso Malanda. Sabina Puértolas, John Osborn y Maite Beaumont protagonizaron la obra. Tamién ta nominada a esta edición de los "Talía" la zarzuela "La rosa del azafrán", na producción del teatru de la Zarzuela que se presentó nel pasáu Festival Llíricu Español d'Uviéu, tamién nel Campoamor. L'Academia de les Artes Escéniques, que preside l'actriz Cayetana Guillén Cuervo, anunció va unos díes los nomes de los espectáculos y los profesionales nominaos a los premios "Talía" 2025. Esta ye la tercer edición d'una convocatoria nacida cola vocación de "promover y fomentar la escelencia" na creación escénica.

"Cola ayuda del Gobiernu del Principáu d'Asturies"