L'HUCA va aplicar ultrasoníos pa tratar el párkinson
N'Asturies hai 4.100 persones con temblores y otros síntomes acomuñaos a la enfermedá
Pela izquierda, Enrique Rodríguez Nuño (direutor xeneral de Promoción de l'Autonomía Personal), José María Ordóñez, Conchita Saavedra y Miguel Rodríguez (xerente del área sanitaria d'Avilés). | MIKI LÓPEZ
L'Hospital Universitariu Central d'Asturies (HUCA) va entamar l'añu qu'entra la téunica más novedosa pal tratamientu del párkinson. Llámase HIFU y consiste na aplicación d'ultrasoníos d'alta intensidá pa pacientes con temblor esencial y pal temblor, la rixidez y la torpeza que van acomuñaos a la enfermedá de párkinson. Hasta la fecha, dellos asturianos con esta enfermedá neurodexenerativa yeren unviaos al Hospital Universitariu de Santiago de Compostela. Una vegada qu'esti procedimientu s'entame nel complexu sanitariu uvieín, yá nun van facer falta los desplazamientos.
"La gran ventaya del HIFU ye qu'incide solamente na zona que tien de ser tratada, nun afecta al entornu y produz munches menos secueles", destacó la conseyera de Salú del Principáu, Conchita Saavedra, quien fexo esti anunciu nel actu institucional del Día Mundial del Párkinson, celebráu va unos díes en Guyame (Llanera).
La titular de Salú destacó'l lideralgu nacional del HUCA na ciruxía de trestornos del movimientu. En trés décades de funcionamientu como centru de referencia pa tol país llevó a cabu 550 intervenciones, una porción d'elles en pacientes de fuera d'Asturies. "Cola incorporación del HIFU, l'HUCA va ser entá más piqueru", enfatizó la doctora Saavedra.
Al actu entamáu pola Asociación Párkinson Asturies aportaron representantes de dellos conceyos d'Asturies. El citáu coleutivu apurrió'l so premiu Tulipán d'Oru al biólogu asturianu Ignacio Fernández Mata, investigador asociáu del Institutu de Medicina Xenómica de la Cleveland Clinic Foundation, n'Estaos Xuníos. El doctor Mata foi'l primer investigador que llogró una Beca Párkinson Asturies, en 2022.
N'Asturies tán censaos unos 4.100 enfermos de párkinson, y una décima parte del total presenta una situación más grave. Siguiendo'l lema de la xornada divulgativa, José María Ordóñez, presidente de l'Asociación Párkinson Asturies, recalcó la necesidá de "esaniciar estereotipos y estigmes" alredor d'esta enfermedá y poner l'atención na variada sintomatoloxía de los afectaos.
"Cola ayuda del Gobiernu del Principáu d'Asturies"
Suscríbete para seguir leyendo
- El Arco cerrará las 30 tiendas que le quedaban en Asturias tras la venta del grueso del negocio al Grupo Cuevas
- Alertan del cambio del tiempo para el fin de semana en Asturias: esta es la previsión
- ¿Qué opinan las familias de la hora extra de clases en junio y septiembre que tiene en pie de guerra a los profesores? Por un lado recelan y por otro ven 'maravilloso' la extensión del comedor
- Así son los sistemas de atraque para aeropuertos que desarrolla Asturias y en los que están interesados casi 70 terminales de Europa, Oriente Medio y América
- La SEPI se niega a rescatar de nuevo a Duro Felguera
- Adiós a la asturiana Belén del Valle, la primera mujer fiscal de España: 'Era única e irrepetible
- El AVE asturiano a Madrid tardará más a partir del 16 de junio por unas obras: estos son los nuevos tiempos
- Estos médicos de Asturias investigan y han sido premiados por ello: una herramienta para medir la esquizofrenia, la relación entre hierro y alzhéimer...
