El premiu de les Artes abre los fallos de los xuraos de los "Princesa d'Asturies" el día 30
La Fundación recibió 354 candidatures de sesenta nacionalidaes pa ocho categoríes, y más de 160 espertos van decidir los ganadores
La Reina Letizia faise un selfi en Lleón. | EFE
Empieza la cuenta trás. Los premios "Princesa d'Asturies", que lleguen esti añu a la so cuadraxésima quinta edición, tienen marcada en colloráu la fecha del miércoles 30 d'abril, cuando'l xuráu, que va entamar un día primero les deliberaciones, va asoleyar el ganador de la categoría de les Artes.
Dempués, el calendariu facilitáu va unos díes pola Fundación Princesa d'Asturies sigue asina: los premios de Comunicación y Humanidaes, el 7 de mayu; Lletres, el 14 de mayu; Ciencies Sociales, el 21 de mayu; Deportes, el 28 de mayu; Concordia, el 4 de xunu; Investigación Científica y Téunica, el 12 de xunu, y Cooperación Internacional, el 18 de xunu.
Los premios recibieron un total de 354 candidatures de 60 nacionalidaes pa les ocho categoríes, y nos sos xuraos van participar más de 160 personalidaes y espertos nes estremes materies.
Recordemos: los premios internacionales tán dedicaos a "galardonar el llabor científicu, téunicu, cultural, social y humanitariu fechu por persones, instituciones, grupos de persones o d'instituciones nel ámbitu internacional", y caún d'ellos ta dotáu cola reproducción d'una escultura de Joan Miró –símbolu del galardón–, un diploma, una insinia col escudu de la Fundación y 50.000 euros.
Premiu "Princesa de Girona"
El proyeutu d'Innovamat pa facilitar l'aprendizaxe de les matemátiques nos centros escolares llevó'l premiu "Princesa de Girona" CreaEmpresa 2025. L'actu d'entrega tuvo llugar nel Auditoriu Ciudá de Lleón, nel marcu de la "Princesa de Girona CongresFest" y del Tour del Talentu celebráu a lo llargo de tola selmana y con un actu final que foi presidíu pola Reina Letizia, que tuvo un alcuentru con representantes de la Comisión de Siguimientu del Plan d'Intervención de Valencia, concretamente de les árees d'emprendimientu y bienestar emocional d'esti proyeutu de sofitu a los mozos de la zona afectada pola dana.
"Cola ayuda del Gobiernu del Principáu d'Asturies"
- El Arco cerrará las 30 tiendas que le quedaban en Asturias tras la venta del grueso del negocio al Grupo Cuevas
- Alertan del cambio del tiempo para el fin de semana en Asturias: esta es la previsión
- ¿Qué opinan las familias de la hora extra de clases en junio y septiembre que tiene en pie de guerra a los profesores? Por un lado recelan y por otro ven 'maravilloso' la extensión del comedor
- Así son los sistemas de atraque para aeropuertos que desarrolla Asturias y en los que están interesados casi 70 terminales de Europa, Oriente Medio y América
- La SEPI se niega a rescatar de nuevo a Duro Felguera
- Adiós a la asturiana Belén del Valle, la primera mujer fiscal de España: 'Era única e irrepetible
- El AVE asturiano a Madrid tardará más a partir del 16 de junio por unas obras: estos son los nuevos tiempos
- Estos médicos de Asturias investigan y han sido premiados por ello: una herramienta para medir la esquizofrenia, la relación entre hierro y alzhéimer...
