L'Institutu de Lluanco tamién presume de talentu musical
El centru sigue cola celebración del so 150 aniversariu con un conciertu de dos de los sos exalumnes: "Queremos que l'alumnáu vea hasta ónde se puede llegar cuando salgan d'equí"
Claudia y Virginia Fernández, na actuación. | I. L.
"Queremos que los alumnos vean les trayeutories de la xente que salió d'equí, que son impresionantes", esplicó Eloy Fernández, profesor. Y ye que l'institutu de Lluanco sigue festexando'l so 150u aniversariu y esti día dio-y un toque musical a la celebración. Por ello decidieron llamar a Claudia y Virginia Fernández Álvarez, hermanes, músiques y antigües alumnes del centru, qu'amenizaron la tarde cola so flauta travesera y el so violonchelu.
"Pa nós ye un luxu que vuelvan a la so casa y que cunten al actual alumnáu cuála ye la so trayeutoria profesional. Queremos qu'enseñen la so carrera pa que vean que, saliendo de Lluanco, puede llegase mui lloñe", afirmó Fernández, coordinador de toos estos actos, que destacó tamién qu'estos eventos tan abiertos a tol mundu, porque se pretende poner al institutu como "un focu de cultura dientro del pueblu". Les hermanes Fernández Álvarez tienen un gran currículum nel mundu de la música, y dieron bona amuesa d'ello delantre del públicu que s'axuntó pa la ocasión nel institutu lluanquín.
Esti nun ye l'únicu actu col que se celebra esta fecha. A lo llargo de les últimes selmanes l'institutu recibió la visita de la primer promoción de muyeres qu'acabaron Bachiller nel centru, y d'Aurelio González Ovies, poeta que realizó un taller de creación lliteraria colos estudiantes. "Queremos que se vea que l'institutu ye capaz d'abrir munchos caminos y mui estremaos. Queremos tamién entamar un desfile de moda y recaudar fondos pal viaxe d'estudios, vamos entamar un taller con periodistes radiofónicos, que como toos, son antiguos alumnos del centru", sorrayó Fernández, que desveló qu'en mayu'l centru va acoyer una esposición d'arte.
"Cola ayuda del Gobiernu del Principáu d'Asturies"
- Hacienda devuelve a los pensionistas lo tributado de más por aportaciones a mutualidades
- La trágica muerte de Joel, exjugador del Oviedo de 20 años, tras un choque con su moto en Cabranes: 'Sentimos un golpe y nos echamos a temblar
- El Principado autorizó en 33 días sacar carbón en Cerredo cuando para la mina de Narcea tardó 81
- Fallece la asturiana Belén del Valle, primera mujer que entró en la carrera fiscal
- La autopista del Huerna ve la luz al final del túnel: ya hay plazo para retirar el argayón, que requerirá nuevas voladuras
- Adiós a la asturiana Belén del Valle, la primera mujer fiscal de España: 'Era única e irrepetible
- Estos médicos de Asturias investigan y han sido premiados por ello: una herramienta para medir la esquizofrenia, la relación entre hierro y alzhéimer...
- San Xuan yá tien cartel y feches en Mieres: atopa equí'l calendariu de les patronales
