Iniciativa pol Asturianu abre la matrícula de los nuevos cursos d'asturianu a distancia
Iniciativa pol Asturianu abre la inscripción pa un nuevu cursu d’asturianu. / INICIATIVA POL ASTURIANU
S. C.
Iniciativa pol Asturianu abre'l procesu de matrícula d'una nueva convocatoria de cursos d'asturianu a distancia, que van desarrollase al traviés d'una plataforma dixital, dende'l 28 d'abril al 11 de xunetu, lo qu'equival a 50 hores llectives.
Según esplica la organización en nota de prensa, la formación va dividíse en 25 hores de tutoríes a distancia -de manera obligatoria-, otres 20 de trabayu autónomu y 5 hores complementaries que va proponer el tutor/tutora, con una prueba al final de la formación.
"La modalidá a distancia favorez l'autoorganización del alumnáu y permite-yos dir faciendo les actividaes, de manera más conveniente", señalen desde Iniciativa pol asturianu.
Dos grupos p'aprender asturianu
Pal desendolcu del cursu van proponese dos grupos: los martes a les 17:00 hores o los xueves a les 16:30 hores. La participación nestes tutoríes telemátiques ye obligatoria.
Iniciativa pol Asturianu abre la inscripción pa un nuevu cursu d’asturianu. / INICIATIVA POL ASTURIANU
Va ofrecese un nivel inicial que ta empobináu "a persones ensin formación d'asturianu o con nivel baxu de conocencia". Los estudiantes que superen el cursu van algamar una acreitación de l'Academia de la Llingua Asturiana que certifica una formación d'asturianu. Nun se puede acceder al títulu de nivel II ensin previamente cuntar col títulu I.
El preciu de la matrícula ye de 75 euros, y les persones asociaes a Iniciativa pol Asturianu van beneficiase d'un descuentu del 20%, y tal y como esplica l'asociación, "toles persones interesaes puen asociase nel momentu de la matrícula y disfrutar d'esti descuentu".
Les inscripciones pal cursu puen cubrise nun formulariu na propia páxina web d'Iniciativa pol Asturianu, onde tamién s'alcuentren toles condiciones pal mesmu.
"Cola ayuda del Gobiernu del Principáu d'Asturies"
- Hacienda devuelve a los pensionistas lo tributado de más por aportaciones a mutualidades
- La trágica muerte de Joel, exjugador del Oviedo de 20 años, tras un choque con su moto en Cabranes: 'Sentimos un golpe y nos echamos a temblar
- Fallece un motorista de 20 años tras colisionar frontalmente con una autocaravana en Cabranes
- El Principado avisó de que en Cerredo no se podía sacar carbón, pero luego dio permiso
- El Principado autorizó en 33 días sacar carbón en Cerredo cuando para la mina de Narcea tardó 81
- Más sombras tras el accidente minero de Cerredo: el Principado tramitó suspender una multa a la empresa antes de que lo pidiesen
- ¿Cómo va una obra que marca el futuro de Asturias? Así se trasplanta en Aboño el corazón energético de la región
- ¿Por qué están paralizados diez millones de euros en ayudas para comprar coche eléctrico en Asturias?
