La recaudación fiscal n'Asturies degola un récord con más de 3.200 millones d'euros
Los ingresos de l'Axencia Tributaria na comunidá aumentaron el 4,8% en 2024 por mor principalmente del incrementu de los beneficios empresariales
La recaudación fiscal n'Asturies degola un récord / LNE
L'Axencia Tributaria rexistró l'añu pasáu un récord d'ingresos netos n'Asturies. Llogró 3.265 millones d'euros, una cifra nunca primero algamada y que, según el fiscu, ta venceyada a la medría de bases imponibles pol crecimientu económicu. Ello ye que'l tributu que rexistró un mayor crecimientu foi l'impuestu sobre sociedaes, que grava los beneficios empresariales.
Les delegaciones de l'Axencia Tributaria n'Asturies rexistraron l'añu pasáu una medría de los ingresos netos del 4,8% (149 millones más) y alzaron, per primer vegada , la cifra total perriba de la barrera de los 3.200 millones. Sicasí, el crecimientu nel Principáu foi inferior al rexistráu de media n'España, del 8,4%, y quedó bien separáu del alcanzáu en comunidaes autónomes como Aragón (12,4%), Andalucía (11.9%) o Canaries (10,7%).
L'Axencia Tributaria destacó que la causa principal del aumentu de los ingresos foi "el crecimientu de les bases" imponibles y qu'esa mayor recaudación producióse a pesar de los cambios normativos y de xestión "que restaron" nel conxuntu d'España más de 2.000 millones d'euros. Sicasí, el fiscu omite nel so analís que tamién la falta de cambios normativos en dellos tributos (como la negativa del Gobiernu a deflactar l'impuestu sobre la renta de les persones físiques pa desaniciar l'efectu de la inflación) xenera un incrementu na recaudación.
Igresos netos de la Agencia Tributaria en Asturias. / LNE
Crecimientu económicu
L'Axencia Tributaria enxareta la xuba de los ingresos tributarios nel contestu del crecimientu económicu d'España, con una xubida del PIB valorada pa 2024 del 3,2%, según la Contabilidá Nacional. Ello ye que l'impuestu estatal que rexistró una mayor xuba de la recaudación neta n'Asturies foi'l de sociedaes. Incrementóse'l 61%, hasta 650 millones d'euros, por un aumentu de los beneficios empresariales y un amenorgamientu de les devoluciones al respeutive del añu anterior.
El tributu con mayor recaudación n'Asturies sigue siendo l'impuestu sobre la renta de les persones físiques (IRPF), que tien nueva campaña qu'entamó'l pasáu 2 d'abril. L'Axencia Tributaria llogró l'añu pasáu unos ingresos netos por IRPF de 1.472 millones d'euros, lo que supon un descensu del 2,8% al respeutive del añu anterior.
Per debaxo del IRPF asitien en recaudación l'impuestu sobre'l valor añadíu (IVA), con unos ingresos de 1.137 millones y una medría del 0,1% al respeutive del añu anterior.
El restu de los impuestos estatales tienen una aportación d'ingresos pa les arques de l'Axencia Tributaria menores enforma. Col impuestu sobre la renta de los non residentes, les delegaciones d'Asturies llograron unos ingresos netos de 15 millones d'euros, con un descensu del 0,8% al respeutive del añu anterior, mentanto que nos impuestos especiales llográronse unos ingresos netos de 14 millones, con un descensu mayor enforma, de más de 78%. Esa cayida producióse a pesar de qu'en 2024 se recuperó l'impuestu sobre la eletricidá, residual dende setiembre de 2021 al menguar el tipu dende'l 5,11% al 0,5% pa compensar parte de la xuba de los precios de lluz. Amás, en 2024 aplicóse per primer vegada a lo llargo de los doce meses l'impuestu sobre envases de plásticu non reutilizables, introducíu en 2023. Dientro de los impuestos especiales tamién tán los d'hidrocarburos o sobre'l tabacu y l'alcohol.
"Cola ayuda del Gobiernu del Principáu d'Asturies"
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El Principado avisó de que en Cerredo no se podía sacar carbón, pero luego dio permiso
- El golpe de los traslados de Arcelor a India: entre 130 y 150 empleos en España (y la mayoría en Asturias)
- ¿Por qué van a la huelga los profesores de los colegios en Asturias? Los docentes ya han convocados dos jornadas de paro
- Asturias reducirá el IRPF a las rentas más bajas (y lo subirá a las más altas)
- ¿Cómo va una obra que marca el futuro de Asturias? Así se trasplanta en Aboño el corazón energético de la región
- La asturiana Begoña Fernández Costales, retenida en Libia tras un tiroteo: 'Estamos bien, esto nos ha pillado por medio
