Llangréu acueye un ciclu de cine de suspense con una docena de títulos
Les películes échense los martes y entamó con un programa doble qu'incluyó "La cabina" y "La muyer pantera"
Fachada del Cine Felgueroso de Sama. / F. Rodríguez
La tertulia cinematográfica "Sala Escura", en collaboración col Conceyu de Llangréu, estrenó nel cine Felgueroso un ciclu dedicáu al cine de suspense, "ún de los xéneros más populares y apreciaos pol públicu, con obres de gran calidá ya impactu que permanecieron na retina de los espectadores muncho más allá de la so proyeición", esplicaron los organizadores. Les proyeiciones van tener llugar los martes a les 19.00 hores y entamaron con una programación qu'incluyó'l mediumetraxe "La cabina", d'Antonio Mercero, y "La muyer pantera", de Jacques Tourneur. La entrada ye llibre hasta completar aforu.
"Esti xéneru tien, ensin dulda, un nome propiu: Alfred Hitchcock. Sicasí, dende la tertulia quixeron destacar y rescatar películes d'induldable calidá d'otros direutores, resalvando nesta ocasión al gran maestru inglés", dixeron los responsables de "Sala Escura", p'amestar que "el cine Felgueroso va enllenase d'intriga, misteriu y thriller, faciendo que l'espectador sienta la congoxa de los protagonistes como propia. Esto va brindar, amás, la oportunidá d'analizar los elementos narrativos utilizaos pa xenerar les distintes emociones".
Van echase12 películes d'otros tantos directores. Como amuesa de los años 40 y 50, grandes clásicos como "Lluz qu'agoniza", "La escalera de cascoxu", "Nueche na ciudá" o "La nueche del cazador", de Charres Laughton. El cine européu tamién va tar presente con títulos como "Ascensor pal cadafalsu", de Louis Malle; y "Suspense", de Jack Clayton. Amás, van echase "El cabu del terror"; "Picnic en Hanging Rock", de Peter Weir; "El corazón del ánxel", d'Alan Parker, con Robert De Niro y Mickey Rourke; y la cinta arxentina "Nueve reines".
"Cola ayuda del Gobiernu del Principáu d'Asturies"
- Hacienda devuelve a los pensionistas lo tributado de más por aportaciones a mutualidades
- La trágica muerte de Joel, exjugador del Oviedo de 20 años, tras un choque con su moto en Cabranes: 'Sentimos un golpe y nos echamos a temblar
- Fallece un motorista de 20 años tras colisionar frontalmente con una autocaravana en Cabranes
- El Principado autorizó en 33 días sacar carbón en Cerredo cuando para la mina de Narcea tardó 81
- El Principado avisó de que en Cerredo no se podía sacar carbón, pero luego dio permiso
- Más sombras tras el accidente minero de Cerredo: el Principado tramitó suspender una multa a la empresa antes de que lo pidiesen
- ¿Cómo va una obra que marca el futuro de Asturias? Así se trasplanta en Aboño el corazón energético de la región
- ¿Por qué están paralizados diez millones de euros en ayudas para comprar coche eléctrico en Asturias?
