Asturies, quinta comunidá onde más baxa l'enfotu empresarial
L'optimismu de les compañíes asturianes cai un 0,7%, frente a la xubida nacional del 0,1%
Polígonu empresarial d'Asipo (Llanera). / LNE
Asturies foi la quinta comunidá autónoma española onde más cayó l'enfotu empresarial al respeutive de la evolución del segundu trimestre del añu, un 0,7%, superada namás por Murcia (-2,7%), Madrid (-2%), Galicia (-2%) y Cantabria (-1,1%), frente a la medría nacional del 0,1%, según los datos publicaos esti día pol Institutu Nacional d'Estadística.
Sicasí, el balance de les mires (diferencia ente les opiniones de los empresarios optimistes y los pesimistes) pal trimestre entendíu ente abril y xunu asitió n'Asturies en 5,1 puntos positivos, cuando nel conxuntu del país foi de 11,2.
Asina, un 14,7% de respuestes na comunidá son pesimistes frente al trimestre qu'empieza y un 24,6% son optimistes, mentanto que'l 65,5% restante son normales, según recueye l'axencia Europa Press.
Amás, Asturies presenta un balance de situación (diferencia ente respuestes favorables y desfavorables al respeutive del trimestre rematáu) positivu, del 2,5%, mentanto que'l nacional foi del 4,5% positivu. En concretu, el 18,3% de les opiniones nel Principáu son optimistes al respeutive del trimestre rematáu, el 15,8% pesimistes y el 65,9% valóralu como normal.
Aumentu pequeñu
Nel conxuntu España, l'indicador d'enfotu xubió un 0,1% nel segundu trimestre del añu, cuatro décimes menos de lo qu'aumentó nel trimestre previu. Les comunidaes nes que más aumentó l'optimismu fueron La Rioxa (3,7%), Baleares (3%), Comunidad Valenciana (2,6%) y Aragón (1,9%).
Cuatro de los cinco sectores analizaos meyoraron el so enfotu nel segundu trimestre, sobremanera'l de tresporte y hostelería (1,6 %). Les pequeñes empreses, de menos de diez asalariaos, fueron les más optimistes –meyoraron el so enfotu nun 0,7%–, mentanto que les mayores, de cuandu menos 1.000 asalariaos, fueron les más pesimistes, amenorgando nun 1,4 % el so enfotu.
Les mires pal trimestre
De cara al segundu trimestre del añu, ente abril y xunu, el 24,6% de los empresarios asturianos amuésense optimistes; el 14,7%, pesimistes; y el 65,5% restante, normales. Al respeutive del primer trimestre del añu, yá rematáu, el 18,3% de les opiniones n'Asturies son optimistes; el 15,%, pesimistes y el 65,9%, normales.
"Cola ayuda del Gobiernu del Principáu d'Asturies"
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El Principado avisó de que en Cerredo no se podía sacar carbón, pero luego dio permiso
- El golpe de los traslados de Arcelor a India: entre 130 y 150 empleos en España (y la mayoría en Asturias)
- ¿Por qué van a la huelga los profesores de los colegios en Asturias? Los docentes ya han convocados dos jornadas de paro
- Asturias reducirá el IRPF a las rentas más bajas (y lo subirá a las más altas)
- ¿Cómo va una obra que marca el futuro de Asturias? Así se trasplanta en Aboño el corazón energético de la región
- La asturiana Begoña Fernández Costales, retenida en Libia tras un tiroteo: 'Estamos bien, esto nos ha pillado por medio
