La "champions" de los luthieres vívese n'Avilés: "Pa probar nuevos barnices, p'aprender, pa disfrutar del trabayu común"
Roberto Jardón ye, con Bas Maas, Ruth Obermayer, Francesco Piasentini, Blaž Demšar y Sharon Que, alumnu de George Stoppani, el luthier más influyente de toos. Alredor d'él, los cinco axuntáronse estos díes n'Avilés.
Bas Maas, Ruth Obermayer, Francesco Piasentini, Sharon Que y Blaž Demšar al par de Roberto Jardón nel taller d'esti últimu, n'Avilés. / S.F.
Tán los cinco d'alcuerdu: "Enantes, el nuesu trabayu yera más solitariu". "El nuesu trabayu" ye la lutería y la lutería ye la construcción d'instrumentos de cuerda. Roberto Jardón, avilesín, luthier, ún de los más apreciaos del país, xuntó nel so taller, n'Álvarez Acebal, a un quintetu de profesionales del so gremiu que vienen de toles esquines d'Europa. "Y de Míchigan, n'Estaos Xuníos", bromia Sharon Que. Y pasáron una selmana n'Avilés porque decidieron que buscar "el barniz más guapu que podamos aplicar a los nuesos instrumentos por que suenen como los cremonenses", amesta Ruth Obermayer, alemana, pero con un español con acentu de Granada ablucante.
Y tán tan d'alcuerdu que los cinco decidieron abandonar el vezu del trabayu en soledá. "Toos xuntos aprendemos bien d'ello: aprendemos unos d'otros", apunta Jardón.
El cambiu d'actitú llegó-yos depués de collaborar con George Stoppani, luthier británicu, coautor, xunto a Jardón del estudiu central del violín Stradivarius qu'el violonista Pablo Sorozabal mandó al conservatorio de Madrid cuando morrió. A principios del sieglu pasáu. Stoppani trabayó tamién colos demás d'esti club de la "champions" de los luthieres.
Na xunta avilesina tamién ta Unai Igartua, que ye profesor d'Acústica na Escuela de Lutheria de Bilbao. Yelo, de fechu, dende 2001. Tuvo nel proyeutu Bilbao, esi que tenía que determinar cuáles pueden ser les variables que más afecten a la calidá tonal del violín na relación ente la tapa y el fondu. Aquel proyeutu axuntó a los especialistes más destacaos de les universidaes de Cambridge, de La Sorbona y tamién de la escuela vizcaína. "Ehí nos conocimos toos", cunta Jardón.
Asina que, n'Avilés, y por una selmana hubo un italianu –Francesco Piasentini–; un holandés, d'Ámsterdam –Bas Maas–; una alemana –Ruth Obermayer–; una norteamericana –Sharon Que–. Y depués dos españoles: Igartua y Jardón, l'anfitrión de la fiesta. Y ye que, a última hora, la xunta ye una fiesta: "Lo bien que comemos, lo bona que ta la sidra", bromia Obermayer. Cuenten vese otra vuelta esti mes d'ochobre. Van facelo n'Villefavard, nel centru de Francia. Lo que los esmolez a toos ellos ye l'acústica, "pero sobremanera, la psicoacústica", que ye la manera en que l'oyente recibe'l soníu d'un instrumentu.
Tienen delles meses ocupaes por botes de barnices. Pintaron un cachu de madera. El periodista pregunta si camuda'l soníu del instrumentu según cuálu apliques. Jardón diz que non. Y Obermayer amesta: "Pero faelos más o menos guapos". Neso anden: en saber cuánto.
"Cola ayuda del Gobiernu del Principáu d'Asturies"
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El Principado avisó de que en Cerredo no se podía sacar carbón, pero luego dio permiso
- El golpe de los traslados de Arcelor a India: entre 130 y 150 empleos en España (y la mayoría en Asturias)
- ¿Por qué van a la huelga los profesores de los colegios en Asturias? Los docentes ya han convocados dos jornadas de paro
- Asturias reducirá el IRPF a las rentas más bajas (y lo subirá a las más altas)
- ¿Cómo va una obra que marca el futuro de Asturias? Así se trasplanta en Aboño el corazón energético de la región
- La asturiana Begoña Fernández Costales, retenida en Libia tras un tiroteo: 'Estamos bien, esto nos ha pillado por medio
