Asturies amenorgó la so deuda pública en 177 millones en 2024
El pasivu de l'Alministración asturiana ta yá cerca de cumplir la llende del 13% del PIB que marca la llei d'Estabilidá Presupuestaria
Asturies amenorgó la so deuda pública / LNE
Asturies amenorgó la so deuda pública en 177 millones d'euros en 2024, poniéndola en 4.066 millones d'euros, frente a los 4.243 millones con que cerró l'añu anterior, según los últimos datos del Bancu d'España.
Esti recorte asitia'l pasivu de l'Alministración asturiana nel 13,5% del PIB asturianu; esto ye, a namás mediu puntu porcentual de cumplir la llende máxima del 13% que la Llei d'Estabilidá Presupuestaria fixa a les comunidaes autónomes.
Poro, magar la deuda d'Asturies entá degola la llende psicolóxica de los 4.000 millones, el datu del cuatru trimestre de 2024 certifica l'enclín a la baxa empezáu en 2020. Con too y con ello, dientro del propiu exerciciu de 2024, el volume del pasivu amosó altibaxos, llegando nel segundu trimestre a los 4.403 millones, el 15,1% del PIB. Nel segundu semestre tomó per una sienda descendente hasta'l 13,5%.
Les comunidaes más empeñaes en proporción a les sos respeutives riqueces son la Comunidad Valenciana (40,7%), Murcia (31,5%), Cataluña (29,7%) y Castiella-La Mancha (29,1%).
Los datos d'endeudamientu asturianu conócense cuando entá ta pendiente de materializase la revesosa condonación de la deuda autonómica que'l Gobiernu central apautó col partíu separatista catalán ERC, y que nel casu d'Asturies va suponer un recorte de 1.508 millones, el 37% del total del pasivu.
"Cola ayuda del Gobiernu del Principáu d'Asturies"
- El Arco cerrará las 30 tiendas que le quedaban en Asturias tras la venta del grueso del negocio al Grupo Cuevas
- Alertan del cambio del tiempo para el fin de semana en Asturias: esta es la previsión
- ¿Qué opinan las familias de la hora extra de clases en junio y septiembre que tiene en pie de guerra a los profesores? Por un lado recelan y por otro ven 'maravilloso' la extensión del comedor
- Así son los sistemas de atraque para aeropuertos que desarrolla Asturias y en los que están interesados casi 70 terminales de Europa, Oriente Medio y América
- La SEPI se niega a rescatar de nuevo a Duro Felguera
- Adiós a la asturiana Belén del Valle, la primera mujer fiscal de España: 'Era única e irrepetible
- El AVE asturiano a Madrid tardará más a partir del 16 de junio por unas obras: estos son los nuevos tiempos
- Estos médicos de Asturias investigan y han sido premiados por ello: una herramienta para medir la esquizofrenia, la relación entre hierro y alzhéimer...
