La familia Cosmen negocia mercar a Alstom 20 trenes pal Eurotúnel
Los dueños d'Alsa, al traviés de la so firma Evolyn y n'alianza con Trenitalia, busquen un sociu inversor pa competir cola francesa SNCF na llinia Londres-París
Tren modelu Avilia d'Alstom que cuenta utilizar Evolyn pa operar nel Eurotúnel.
La familia asturiana Cosmen, dueña de la centenaria empresa de tresporte de viaxeros Alsa, echó'l restu pa operar primero de 2030 la conexón d'alta velocidá Londres-París al traviés del Eurotúnel, que crucia la Canal de La Mancha.
Per aciu del so operador ferroviariu Evolyn y n'alianza con Trenitalia (filial de Ferrovie dello Stato Italiane, propiedá del Estáu italianu), los Cosmen tán en negociaciones col fabricante francés Alstom p'adquirir una flota que podría xubir a 20 trenes pa operar nel Eurotúnel. La inversión podría superar los 1.000 millones d'euros, según informó "Espansión".
La llinia Londres-París, que mueve cerca de 20 millones de pasaxeros al añu, ye'l corredor internacional d'alta velocidá más rentable d'Europa. Anguaño trabáyalu'l xigante estatal francés SNCF al traviés del consorciu Eurostar, nel que tien una posición accionarial mayoritaria (55,7%).
Jorge Cosmen, vicepresidente de Mobico (la sociedá británica dueña d'Alsa, que nun ta implicada nesta operación), ta al frente del proyeutu p'arrampuñar cuota de mercáu a SNCF, que llogra del Eurotúnel unos ingresos superiores a los 2.000 millones añales. El corredor permite la entrada de más operadores.
Evolyn y Trenitalia tán entá negociando la fórmula societaria cola que quieren competir con SNCF, que va incluyir la entrada d'un tercer sociu inversor.
"Cola ayuda del Gobiernu del Principáu d'Asturies"
Suscríbete para seguir leyendo
- El nuevo destino de playa que incorpora desde este sábado el aeropuerto de Asturias (con vuelos desde 22 euros)
- Llega una dana a Asturias: la Aemet activa la alerta por tormentas muy fuertes (y con granizo)
- Miles de personas claman por la oficialidad del asturiano en las calles de Oviedo: 'Nun vamos a parar
- El plan de recortes de Alcampo afectará a estos diez supermercados de Asturias
- El cardenal asturiano Artime toma fuerza en las quinielas para ser Papa: hay 'opciones reales' si pasa esto
- Asturias permitió varios meses que reses 'sospechosas' usasen pastos comunales
- Asturias comienza a abatir lobos: 'Ya hemos arrancado con los controles y eso es lo importante', asegura el consejero
- El cardenal asturiano Ángel Fernández Artime, en las quinielas de la prensa italiana: así fue el momento de su jura
