Les esportaciones dan puxu al Puertu d'Avilés (y algamen cifres descomanaes)
Los movimientos de mercancíes nos muelles locales confirmen el cambiu de paradigma, con un descensu d'importaciones y mayor númberu de buques
Vista de la ría d'Avilés dende La Lluz. | MIKI LÓPEZ
La tresformación del Puertu d'Avilés afitóse nel primer trimestre del añu, pasando de ser una terminal d'importación granelera a ser unes instalaciones portuaries principalmente esportadores. Los datos acumulaos nel primer trimestre del exerciciu confirmen el cambiu de paradigma, con un aumentu de les mercancíes embarcaes pal so tresporte a otros países, mientres baxen los desembarcos. ArcelorMittal y Asturiana de Zinc (Azsa) lideren los movimientos, siguíes de les compañíes dedicaes a la fabricación de grandes estructures pa enerxíes llimpies. Y non ye eso namás. Sigue tamién al alza'l númberu de buques qu'operen nos cais avilesinos.
El Puertu d'Avilés cerró'l primer trimestre de 2025 con 1.140.315 tonelaes de mercancíes movíes nes sos instalaciones, lo que vino a ser un incrementu interañal del 14,66% por cientu. Nel conxuntu de tráficos, los graneles sólidos y la mercancía xeneral ufiertaron los meyores rexistros.
Un analís más pormenorizáu del comportamientu de los tráficos portuarios revelen que les esportaciones representen yá un 55,6% del total de los movimientos nos cais avilesinos, con 634.336 tonelaes. Esta cifra ye un 44,25% superior al primer trimestre de 2024 y supera con muncho a les que salíen fai un quinqueniu namás.
Les últimes cifres espublizaes pola Autoridá Portuaria reflexen una medría non solo nel númberu de tonelaes que se mueven, sinón tamién nel valor añedíu y tamién nel d'embarcaciones, que pasaron de 175 nel primer trimestre de 2024 a los 189 buques qu'operaron nos muelles d'Avilés nel primer trimestre d'esti exerciciu.
Les mercancíes
L'epígrafe de "mercancía xeneral" arrexunta dende los productos siderúrxicos d'ArcelorMittal y los lingotes de cinc d'Azsa hasta los tramos de torres eóliques que fabrica Windar Anovables o los depósitos d'almacenamientu de CO2 que fabrica Idesa, por poner solo dellos exemplos. Ello ye que la multinacional siderúrxica lideró les esportaciones ente xineru y marzu, con 212.507 tonelaes, siguida polos lingotes de zinc d'Azsa, que representaron 58.419 tonelaes. Asturiana de Zinc sí lideró les importaciones con 241.497 tonelaes de concentráu de zinc.
En cifres globales, los graneles sólidos axuntaron 668.117 tonelaes, y la mercancía xeneral 301.013 tonelaes.
Tocantes a les importaciones, nos cais locales desembarcáronse 505.979 tonelaes, que representaron un 8,8% menos qu'ente xineru y marzu de 2024.
"Cola ayuda del Gobiernu del Principáu d'Asturies"
- El Arco cerrará las 30 tiendas que le quedaban en Asturias tras la venta del grueso del negocio al Grupo Cuevas
- Alertan del cambio del tiempo para el fin de semana en Asturias: esta es la previsión
- ¿Qué opinan las familias de la hora extra de clases en junio y septiembre que tiene en pie de guerra a los profesores? Por un lado recelan y por otro ven 'maravilloso' la extensión del comedor
- Así son los sistemas de atraque para aeropuertos que desarrolla Asturias y en los que están interesados casi 70 terminales de Europa, Oriente Medio y América
- La SEPI se niega a rescatar de nuevo a Duro Felguera
- Adiós a la asturiana Belén del Valle, la primera mujer fiscal de España: 'Era única e irrepetible
- El AVE asturiano a Madrid tardará más a partir del 16 de junio por unas obras: estos son los nuevos tiempos
- Estos médicos de Asturias investigan y han sido premiados por ello: una herramienta para medir la esquizofrenia, la relación entre hierro y alzhéimer...
