Asina ye la nueva donación que llega al Pueblu d’Asturies (hai una pieza del sieglu XVIII)
El muséu xixonés recibe pieces de los alfares de Faro (Uviéu), Somió (Xixón) y Samartino (Siero)
Dos botiyes y un xarru del sieglu XVIII adquiríos tamién s'axunten a la coleición
Les donaciones aumenten la presencia de la cerámica nel Pueblu d’Asturies. / Muséu del Pueblu d’Asturies
La cerámica aumenta'l so protagonismu nel Muséu del Pueblu d’Asturies por aciu de la donación de dos coleiciones que que tiene pieces de los alfares de Faro (Uviéu), Somió (Xixón), Samartino (Siero), L.lamas del Mouro (Cangas) o Miranda (Avilés). Amás, el muséu xixonés tamién adquirió dos botiyes (anforetes) y un xarru, que daten del sieglu XVIII, anque nel casu de les anforetes podríen ser del XVII.
Una pequeña seleición d'estes pieces puede vese na recepción de la institución dende va unos díes dientro de l'apuesta del Muséu del Pueblu d’Asturies pola hestoria de la cerámica, con una coleición que ta integrada por 800 pieces, nes que tamién hai delles de los alfares de Jiménez de Jamúz (Lleón) o Niñodaguia (Galicia).
Sobre les donaciones recibíes apocayá, per un llau ta la de la coleición del xixonés Arturo Muñiz Fernández, formada por doce pieces de cerámica de Faro, Somió y Samartino, que se carauteriza, según espliquen dende'l muséu, por "contener pieces de gran calidá y rareza de Samartino".
La otra donación pertenez a la compilación de Manuel Jesús Niembro y María Ángeles Llaneza, que foi apurrida por Pedro Pablo Niembro López, y que ta integrada por 175 pieces de los alfares de Faro, Miranda, L.lamas del Mouro y Samartino. "Son pieces mui estremaes nes que sobresalen les xarres de sidra de Faro y Somió, que son de les más representatives y singulares de la producción cerámica asturiana", resalten.
Tocantes a les adquisiciones lleguen dende l'occidente d'Asturies, con dos anforetes o botiyes de los sieglos XVII o XVIII y un xarru de Talavera del sieglu XVIII. "Les primeres fueron fabricaes en Sevilla, y usábense pa l'almacenaxe y tresporte marítimu d'aceite, vinu, aceitunes o garbanzos dende'l sur d'España a América y al norte d'España y Europa", comenten dende'l muséu. Al respeutive del xarru de Talavera indiquen que ye un testimoniu de les "talaveres" qu'apaecen con frecuencies "n'inventarios de bienes de cases pudientes de los sieglos XVII y XVIII n'Asturies".
"Cola ayuda del Gobiernu del Principáu d'Asturies"
Suscríbete para seguir leyendo
- Este es el misterioso y discreto mamífero asturiano que se incorpora al listado de especies en peligro de extinción
- Cuando el Papa estuvo en los Picos de Europa: se quedó a dos kilómetros de pisar tierras asturianas
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Esta podría ser la alternativa del Sabadell frente a la opa del BBVA: una operación que sería de gran calado para Asturias
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El golpe de los traslados de Arcelor a India: entre 130 y 150 empleos en España (y la mayoría en Asturias)
- Los primeros profes asturianos de Educación Física cumplen treinta años dando clases: 'Era una carrera divertida y con base pedagógica
