Los músicos asturianos adelanten el cumpleaños númberu 84 de Bob Dylan
Los "Zimmermans" de Tete Bonilla va ser la banda del conciertu homenaxe na Factoría
Yolanda Alonso y Béznar Arias, na presentación del festival Avilés Dylanita. / Luisma Murias
Media docena de los meyores músicos asturianos participen esti añu na edición númberu dieciocho del festival Avilés, Ciudá Dylanita (los díes 22 y 23 d'esti mes de mayu, xusto un día primero del cumpleaños del premiu Nobel de Lliteratura).
"Broken roads", "Silvidos y Gemidos", Chino el Indio Texano, Sandra Lusquiños, Toni Bustamente y Nacho García van repasar el vienres 23 (20.30 hores) el cancioneru del músicu norteamericanu nel so octoxésimu cuartu aniversariu nel mundu.
"Esti añu optemos por que tolos cantantes tean sofitaos polos 'Zimmermans', la banda que lidera Tete Bonilla", recalcó Béznar Arias, el promotor del festival avilesín.
Pal xueves a la hora del vermú ta prevista una nueva edición de "Boulevard Dylanita": "La xente que s'avere a la plaza d'España va atopar con sorpresa a Jorge Otero, a Pico a Michael Lee Wolfe interpretando los meyores cantares de Dylan", prometió Arias.
"Celebramos una pequeña fiesta d'una lleenda nel escenariu de la Factoría Cultural", apuntó la concejala de Cultura, Yolanda Alonso. "Esti añu quixéramos tener con nós a Charlie Sexton, el guitarrista de Dylan estos postreros venticinco años, pero a última hora comunicó que nun diba poder tar pal cumpleaños", reconoció Arias. "Polo menos va tocar n'Avilés", fexo. Esti próximu vienres, Sexton ufierta un recital nel Santacecilia. "Va ser el prólogu doráu de la fiesta", amestó Arias.
"Esti añu vamos rindir homenaxe a Alberto Toyos, de Radio Asturies, que finó prácticamente un añu dempués de que lo fixera Álvaro Lozano Sol, que foi'l qu'afaló esti festival", destacó'l productor musical.
Les entraes, a un preciu únicu de 10 euros, pueden adquirise en www.mutick.com, y los establecimientos de la ciudá Café Lord Byron y Discos Elepé.
"Cola ayuda del Gobiernu del Principáu d'Asturies"
- Este es el misterioso y discreto mamífero asturiano que se incorpora al listado de especies en peligro de extinción
- Cuando el Papa estuvo en los Picos de Europa: se quedó a dos kilómetros de pisar tierras asturianas
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El Principado avisó de que en Cerredo no se podía sacar carbón, pero luego dio permiso
- El golpe de los traslados de Arcelor a India: entre 130 y 150 empleos en España (y la mayoría en Asturias)
- ¿Por qué van a la huelga los profesores de los colegios en Asturias? Los docentes ya han convocados dos jornadas de paro
