Asturies meyora la execución del so presupuestu, pero sigue a lo cabero
El Principáu doblaba en febreru la cuantía del so capítulu inversor pendiente namás de pagu al respeutive del mesmu mes de 2024
Asturies meyora la execución del so presupuestu, pero sigue a lo cabero. / LNE
El ritmu d'execución presupuestaria del Principáu meyoró nos dos primeros meses del añu al respeutive de les cifres de febreru de 2024, anque Asturies sigue empezando l'exerciciu colos datos más baxos del conxuntu del país. Incrementar el ritmu inversor foi ún de los compromisos del Gobiernu dende 2023, añu nel que la comunidá zarró con menos del 50% de les inversiones presupuestaes tramitaes como obligaes (esto ye, pendientes namás d'abonu).
Anque los primeros meses del añu suelen ser poco executivos —al tar el Gobiernu entá "entamando" col nuevu presupuestu—, en febreru el Principáu tenía yá 3,6 millones d'euros namás del capítulu d'inversiones pendientes de pagu, y autorizara más de 282 millones. Esta cifra representa un poquiñín menos del 60% de los 479 millones previstos pa inversión en 2025. El volume de gastu reconocíu (obligáu) dobla práuticamente'l rexistráu en febreru del añu anterior.
Comparanza nacional
Sicasí, na comparanza ente comunidaes autónomes publicada pol Ministeriu de Facienda, Asturies sigue a lo cabero. Solo Estremadura presentaba un porcentaxe inferior. Delles comunidaes, como Navarra, Castiella-La Mancha, Baleares, Murcia, Castiella y Lleón o la Comunidad Valenciana, yá superaben el 3% d'inversión executada y pendiente namás d'abonu, mentanto que nel casu asturianu esa proporción asitiaba entá nel 0,97%. La media nel conxuntu del país poníase nel 2,43%. Con too y con ello, Asturies meyoró un 40% el so datu d'inversión en fase d'obligáu contable al respeutive del mesmu mes de 2024.
"Cola ayuda del Gobiernu del Principáu d'Asturies"
- Este es el misterioso y discreto mamífero asturiano que se incorpora al listado de especies en peligro de extinción
- Cuando el Papa estuvo en los Picos de Europa: se quedó a dos kilómetros de pisar tierras asturianas
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El Principado avisó de que en Cerredo no se podía sacar carbón, pero luego dio permiso
- El golpe de los traslados de Arcelor a India: entre 130 y 150 empleos en España (y la mayoría en Asturias)
- ¿Por qué van a la huelga los profesores de los colegios en Asturias? Los docentes ya han convocados dos jornadas de paro
