Les residencies de LABoral Impulsa axunten proyeutos pa dar puxu a la industria creativa
Les propuestes proponen enfoques anovadores en música electrónica, creación de plataformes dixitales o comisariáu contemporaneu
Semeya de familia d'artistes, autoridaes y trabayadores de LABoral. | ÁNGEL GONZÁLEZ
A lo llargo d'un máximu de nueve meses, ocho proyeutos apostarán por anovar y tresformar el sector de les industries culturales y creatives. Les propuestes, escoyíes na séptima edición del programa de residencies de LABoral Impulsa, van desarrollase en Llaboral Centru d'Arte.
"Golden Waves" ye'l proyeutu d'Ignacio Carmona y Jorge Bazo, nel que pescancien "la relación ente música electrónica, imaxe y tecnoloxía". Manuel Prados, pela so parte, en "Prometi@", va entamar "un estudiu comparativu de la sensorialidá humana y la máquina", que tien como fin facer una propuesta "didáctica y educativa pa ámbitos públicos y privaos".
Con "El Club de Piedres", l'artista y música asturiana Coco Moya va proponer "un ximnasiu de meditación", que va tresformar esta práctica diaria nun xuegu intuitivu y prestosu "pa consiguir un ámbitu de meditación al traviés del arte". Mentanto que "Lexington Studio" ye'l trabayu qu'ufierta "soluciones visuales y de comunicación pa proyeutos musicales y culturales" nel que van trabayar Claudia Couso y Sara Rodríguez.
Más propuestes. Sara Moro y Ricardo Villoria impulsen "La Rectoral", qu'afonda na investigación, museografía, diseñu y comunicación. "La nuesa intención ye afondar nel texíu artísticu asturianu p'atopar dalguna xoya y poder presentala al traviés d'un proyeutu espositivu", señalaron. Con "Holalab.org" el fotógrafu Adolfo Fernández quier convidar a profesionales estranxeros, alredor de la fotografía y cine analóxicu-químicu. En "Sextaferia Dixital" Berto Santomé propón una iniciativa comuñal que tresllada los valores de la cooperación tradicional asturiana. Y en "Marea de xente" Marina Martínez va ufiertar talleres vivenciales pa sensibilizar a persones ensin discapacidá, pa "promover entornos más conscientes, accesibles y preparaos".
"Cola ayuda del Gobiernu del Principáu d'Asturies"
- Este es el misterioso y discreto mamífero asturiano que se incorpora al listado de especies en peligro de extinción
- Cuando el Papa estuvo en los Picos de Europa: se quedó a dos kilómetros de pisar tierras asturianas
- Nuevas averiguaciones tras el accidente de Cerredo: el Principado eliminó en 2019 el servicio específico de Seguridad minera
- Un alijo de 390 kilos de cocaína impregnados en carbón de El Musel: el otro caso por el que debe declarar el empresario del accidente minero de Cerredo
- ¿Quién pagará más y quién menos con el nuevo IRPF de Asturias? Unos 100 euros de rebaja hasta este nivel de renta
- El Principado avisó de que en Cerredo no se podía sacar carbón, pero luego dio permiso
- El golpe de los traslados de Arcelor a India: entre 130 y 150 empleos en España (y la mayoría en Asturias)
- ¿Por qué van a la huelga los profesores de los colegios en Asturias? Los docentes ya han convocados dos jornadas de paro
