Educación afala a escoyer la nueva ufierta d'asturianu nel segundu ciclu d'Infantil
La conseyera de Educación, Lydia Espina, nos premios escolares de la "46 Selmana de les Lletres Asturianes". / Principáu
S. C.
La conseyera d'Educación, Lydia Espina, animó esti miércoles pasáu en Candás a la comunidá escolar a sopelexar la nueva ufierta d'asturianu nel segundu ciclu d'Infantil (3 a 6 años), que va estrenase a partir del próximu cursu. Espina participó nel actu d'entrega de premios de los cinco certames escolares convocaos por cuenta de la "46 Selmana de Les Lletres Asturianes".
Según indicó'l Principáu, "esti aproximamientu pioneru a la llingua autóctona n'Infantil va realizase al tiempu en tolos cursos y en "Comunicación y representación de la realidá", que ye una de les trés árees d'aprendizaxe d'esa etapa educativa". Va tener calter voluntariu pal alumnáu, como se conseña na Llei d'usu y promoción del asturianu, pero tolos centros qu'impartan esti ciclu tendrán d'incluyilo na so ufierta.
Les families que quieran inscribir a los sos fíos tendrán de formalizar una solicitú nel centru nel periodu de matriculación, del 18 al 25 de xunu. La conseyería unvió yá a los equipos direutivos de los colexos un primer boletín, qu'inclúi'l modelu de formulariu que tendrán de rellenar les families y otru con información complementaria.
Espina destacó'l compromisu del profesoráu d'asturianu, que nun tien el reconocimientu como especialidá docente al nun ser una llingua oficial y que tampoco se puede estabilizar, nin presentase a unes oposiciones. "Tenéis que saber que nel momentu nel qu'atopemos la menor oportunidá, vamos correxir esta situación. Nun voi cansar de picar a toles puertes que faiga falta. Tenéis el mio compromisu", aseguró na so intervención.
"Cola ayuda del Gobiernu del Principáu d'Asturies"
- Hacienda devuelve a los pensionistas lo tributado de más por aportaciones a mutualidades
- La trágica muerte de Joel, exjugador del Oviedo de 20 años, tras un choque con su moto en Cabranes: 'Sentimos un golpe y nos echamos a temblar
- Fallece un motorista de 20 años tras colisionar frontalmente con una autocaravana en Cabranes
- El Principado autorizó en 33 días sacar carbón en Cerredo cuando para la mina de Narcea tardó 81
- Más sombras tras el accidente minero de Cerredo: el Principado tramitó suspender una multa a la empresa antes de que lo pidiesen
- Fallece la asturiana Belén del Valle, primera mujer que entró en la carrera fiscal
- La autopista del Huerna ve la luz al final del túnel: ya hay plazo para retirar el argayón, que requerirá nuevas voladuras
- San Xuan yá tien cartel y feches en Mieres: atopa equí'l calendariu de les patronales
