Miles de tresportistes piden la devolución del "céntimu sanitariu"
Empreses y autónomos tienen hasta'l día 30 pa reclamar reingresos de más de 8.000 euros
Céntimu sanitariu. / EP
Miles d'autónomos asturianos –sobremanera tresportistes– van reclamar la devolución del llamáu "céntimu sanitariu", un impuestu sobre les ventes minoristes d'hidrocarburos que les comunidaes autónomes aplicaron ente 2013 y 2018, al traviés d'una macrodemanda a nivel nacional impulsada por un despachu d'abogaos uvieín.
En mayu de 2024, el Tribunal de Xusticia de la Unión Europea (TJUE) declaró illegal esti impuestu, lo qu'abre la posibilidá de reclamar la so devolución. De la mesma, en septiembre de 2024 el Tribunal Supremu interpretó esta resolución y confirmó la posibilidá de reclamar por parte de los perxudicaos. Según el bufete Fides, impulsor de la demanda, en toa España puede haber "más de trés millones d'empreses y autónomos afectaos".
L'impuestu aplicóse sobre'l consumu de gasolina y gasóil en práuticamente España entera, incluyida Asturies –sacantes País Vascu, Navarra y delles esceiciones puntuales–, "y afectó a sectores bien estremaos: tresporte, industria, construcción, agricultura, turismu rural o alimentación", ente otros. "El céntimu pagáronlu tolos que recargaben gasóil o lu usaben pa producir calor, eletricidá o mover maquinaria", afirma'l despachu.
El plazu máximu pa reclamar ye'l próximu día 30. Les devoluciones varien en función de la comunidá y el tipu de combustible. Nel casu d'un camión que consumiera unos 3.000 llitros al mes y que soportara un gravame de 4,8 céntimos per llitru, la cantidá podría xubir a 8.640 euros.
"Cola ayuda del Gobiernu del Principáu d'Asturies"
- Granizo como piedras en Asturias: la Aemet activa la alerta naranja por tormentas muy fuertes para esta tarde
- Una incidencia en las oposiciones de Secundaria pone en riesgo una de las pruebas: este es el tribunal afectado
- Koldo García cambia de defensa... y escoge a esta abogada asturiana, que logró una sonada sentencia en un caso de pederastia y ya representó a su entorno
- Mañana es el día más feliz del año (constatado por los expertos) y en Asturias hay algunos planes para celebrarlo
- Ocho mil opositores pelean en Asturias por 770 plazas de profesor de Secundaria y FP: 'Es una lotería
- Los requisitos similares a los hoteles que deberán cumplir las viviendas turísticas en Asturias: superficie mínima e internet
- Emoción y aplausos en el regreso de Eslovaquia a Asturias de los setenta y cinco militares del Cabo Noval: 'Misión cumplida
- Un alemán cae 30 metros en la vía ferrata de La Hermida
