La confitería uvieína Camilo de Blas, Premiu Nacional de Comerciu
La distinción reconoz el llabor de cinco xeneraciones de la conocida familia pastelera
Juan José de Blas y Paloma de Blas, esti día, na so confitería de la calle Xovellanos. | MARIO CANTELI
Emocionada, arguyosa y destacando qu'esti ye un reconocimientu a les "cinco xeneraciones" que rexentaron esti negociu. Asina s'amosó esti día Paloma de Blas dempués de que'l Ministeriu de Comerciu nomara a Camilo de Blas "Premiu Nacional de Comerciu" na modalidá de pequeñu comerciu de 2024. Una distinción qu'a nivel local namás ostentaba hasta agora la sombrerería Albiñana, depués del reconocimientu qu'esti tamién históricu negociu uvieín llogró fai una década.
Ye un galardón "redondu" en munchos sentíos, según cuenta Paloma de Blas, porque la entrega va celebrase'l 10 de xunu nel hotel de la Reconquista. Esto ye, va quedar too n'Uviéu. Y va ser el colofón a un añu que nun va escaecer la confitería, con 149 años d'hestoria y asitiada nes cais de Xovellanos y Santa Susana, n'Uviéu, y na xixonesa Cuadonga.
La hestoria d'esta confitería nació llueñe de la capital asturiana. Foi de la mano de Camilo de Blas, quien en 1876 montó una tienda en Lleón col so propiu nome. La so actividá principal yera la venta de dulces, lo mesmo que de productos de delicatessen y gourmet. El so fíu Miguel siguió'l negociu con ésitu, pero'l so fallecimientu supunxo la desapaición d'esi primer comerciu. Sicasí, Camilo de Blas abrió en febreru de 1914 una tienda al so fíu José na céntrica cai Xovellanos d'Uviéu. L'establecimientu caltiense intactu, pasando de xeneración en xeneración.
Ye Paloma de Blas la que lleva na actualidá les riendes del negociu so la supervisión de so padre, Juan José de Blas, y dambos celebraron a lo grande l'añu pasáu'l centenariu del pastel "Carbayón", una de les sos recetes de más sonadía. Dos finxos más en 2024: la confitería volvió a la Feria Internacional de Muestres d'Asturies de Xixón y presentó un llibru sobre la hestoria d'un comerciu que sirvió dulces a munches xeneraciones de veceros.
Los sos sabores conquisten tantu a güelos como a nietos y a numberosos turistes que nes sos visites al Uviéu Antiguu faen una parada nel so establecimientu. "Esta reconocencia ye un zarru d'oru al añu 2024; lleguemos hasta equí gracies al trabayu de la nuesa familia, al maraviyosu equipu que s'enfota con nós y a los nuesos veceros", comentó esti día Paloma de Blas. Amosóse agradecida con toos y sobremanera, col Conceyu y cola Unión de Comerciantes, porque fueron ellos los que-yos propunxeron presentáse a esti concursu a finales del añu pasáu. "Fainos una ilusión enorme recoyer esti galardón na nuesa casa, n'Uviéu", concluyó.
"Cola ayuda del Gobiernu del Principáu d'Asturies"
Suscríbete para seguir leyendo
- Los beneficiarios no podrán rechazar más de tres pisos y una renta máxima de 700 euros: todo lo que debes saber del plan de Asturias para alquilar pisos vacíos
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- La inverosímil situación en la que quedó un coche en Asturias tras un accidente en la autovía: la conductora, trasladada al hospital
- La carta que 64 directores de colegio dimisionarios envían a Adrián Barbón: “Esperamos que esto sea el inicio de un cambio real en la educación y se escuche al profesorado
- Esperanza para los ganaderos asturianos: la carne de vacuno se encarece un 35% y estos son los motivos
- Ayudas de 400 euros para los jóvenes asturianos: requisitos y pasos para solicitar el Bono Cultural
- Adriana Lastra habla 'con el corazón en la mano' sobre Santos Cerdán: 'Me hizo una operación de acoso y derribo, pero pensé que era por machismo...
