Los dueños d'Azsa incrementen un 8 por cientu la so producción de zinc
Glencore arrastra bonos resultaos del añu pasáu pola reconexón de la so fundidora de Nordenham (Alemania) y pol positivu comportamientu d'Asturiana
Les instalaciones fabriles d'Asturiana de Zinc (Azsa) vistes dende la oriella derecha de la ría d'Avilés. | MARÍA FUENTES
La corporación anglosuiza Glencore produció nel primer trimestre del añu 227.700 tonelaes de zinc metálicu. Esto ye un crecimientu de 17.600 al respeutive del mesmu períodu del añu anterior o lo que ye lo mesmo: un crecimientu del 8 por cientu.
Nel informe parcial, publicáu apocayá, la corporación que preside'l financieru Gary Nagle, esplíquense estos númberos por aciu del "impactu netu de la continuación de la producción de zinc en Nordenham (Alemania) a lo llargo del primer trimestre de 2024 y pola suspensión de la llinia de zinc de Portovesme (Italia) nel cuartu trimestre de 2024".
El departamentu de zinc de Glencore cuenta con mines repartíes per tol mundu y con delles fundidores. Les fundidores concéntrense n'Europa, principalmente: n'España, n'Alemania y n'Italia. Tamién tienen una fábrica en Canadá. La puesta en marcha d'Alemania déxase notar nos númberos parciales, anque puede camentase qu'al zarru del exerciciu l'afectación va ser menor (ente'l 68 y 72 por cientu de tol zinc metal de la corporación anglosuiza sal d'Asturiana de Zinc).
La medría del primer trimestre d'esti añu sigue la sienda de los primeros meses del añu pasáu. Entós la empresa esplicó que'l crecimientu yera por mor de "l'afitamientu del negociu CEZinc a partir d'abril de 2023 y, amás, poles tonelaes adicionales del reaniciu de Nordenham Zinc en febreru de 2024".
Canada Electrolytic Zinc Limited (CEZinc) ye una subsidiaria de Glencore. Cuenta cola fundidora más grande del este d'América del Norte: na provincia de Québec. Magar esta condición, produz cada añu la metá de lo que sal cada doce meses de la fábrica de San Xuan de Nieva. N'abril de 2023 CEZinc incorporóse a la llista de fábriques de zinc metálicu controlaes polos anglosuizos de Glencore.
En payares de 2022, Glencore punxo en "cuidáu y caltenimientu" la so fundidora de zinc de Nordenham, en Baxa Saxonia, pol altu preciu de la enerxía eléctrica y la guerra d'Ucrania, ente otres razones.
La vuelta a la normalidá de la planta alemana esplica agora l'incrementu de producción d'esti trimestre. Sicasí, la incidencia final de Nordenham nel departamentu de zinc ye feble.
"Cola ayuda del Gobiernu del Principáu d'Asturies"
- Los beneficiarios no podrán rechazar más de tres pisos y una renta máxima de 700 euros: todo lo que debes saber del plan de Asturias para alquilar pisos vacíos
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- Alerta roja sanitaria por calor en Asturias: estos son los 17 concejos de la región más afectados
- La inverosímil situación en la que quedó un coche en Asturias tras un accidente en la autovía: la conductora, trasladada al hospital
- La carta que 64 directores de colegio dimisionarios envían a Adrián Barbón: “Esperamos que esto sea el inicio de un cambio real en la educación y se escuche al profesorado
- Esperanza para los ganaderos asturianos: la carne de vacuno se encarece un 35% y estos son los motivos
- Ayudas de 400 euros para los jóvenes asturianos: requisitos y pasos para solicitar el Bono Cultural
