Llamamientu de Barbón pa celebrar el 25 de mayu'l Día de la Bandera d'Asturies: "Buscamos que la población se sienta arguyosa de los sos raigaños"
El Gobiernu asturianu anima a festexar la cita con un vídeu grabáu en dellos llugares del Principáu y ambientáu con música de Xuacu Amieva
Gobiernu del Principáu d'Asturies
El Gobiernu d'Asturies llama a celebrar el Día de la Bandera d'Asturies, el próximu 25 de mayu, al traviés d'un vídeu grabáu en dellos llugares del Principáu y ambientáu con música de Xuacu Amieva.
El vídeu, d'un minutu de duración, empieza cola enseña asturiana so la lluz d'un amanecer n'Asiegu (Cabrales) y remata col atapecer nel castru marítimu de Cabo Blanco (El Franco), en percorriendo parques, caminos y pumaraes amosando "una tierra y el so símbolu como la casa de toos", tal que espliquen dende'l Gobiernu.
Cola voz del doblador de cine Mark Ullod nos trés idiomes: castellán, asturianu y eonaviego, y con "La marcha de Brañes", de Xuacu Amieva, como banda sonora versionada tamién pol artista Ferla Megía, el vídeu enfatiza'l sentimientu de pertenencia y d'identidá qu'acompaña a la bandera.
Con esta campaña, l'Executivu quier destacar "la importancia de la bandera del Principáu como símbolu d'unión y fortaleza de la ciudadanía, y el so valor como emblema d'ún de los finxos de la comunidá, l'alzamientu de la Xunta Xeneral contra la invasión francesa de 1808, acontecimientu históricu que dio orixe a esta enseña", comenten.
La bandera d'Asturies ye un símbolu que representa la hestoria, tradiciones y cultura del Principáu. "Promover la so celebración refuerza'l sentíu de pertenencia de los asturianos y asturianes y fortalez la conexón emocional cola so tierra", por eso animen a celebrar esti día'l próximu domingu, buscando que: "La población, especialmente les nueves xeneraciones, conozan y se sientan arguyoses de los sos raigaños".
"Cola ayuda del Gobiernu del Principáu d'Asturies"
- Los beneficiarios no podrán rechazar más de tres pisos y una renta máxima de 700 euros: todo lo que debes saber del plan de Asturias para alquilar pisos vacíos
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- Alerta roja sanitaria por calor en Asturias: estos son los 17 concejos de la región más afectados
- La inverosímil situación en la que quedó un coche en Asturias tras un accidente en la autovía: la conductora, trasladada al hospital
- La carta que 64 directores de colegio dimisionarios envían a Adrián Barbón: “Esperamos que esto sea el inicio de un cambio real en la educación y se escuche al profesorado
- Esperanza para los ganaderos asturianos: la carne de vacuno se encarece un 35% y estos son los motivos
- Ayudas de 400 euros para los jóvenes asturianos: requisitos y pasos para solicitar el Bono Cultural
