Premiu "Talía" pa Naiara Beistegui, pol vestuariu de la "Anna Bolena" de la Ópera d'Uviéu
L'Academia de les Artes Escéniques premia a Marina Monzó, qu'el 31 de mayu actúa nel Festival de Zarzuela del Campoamor
Emilio López y Naiara Beistegui, n'acabando la gala, col premiu "Talía".
Naiara Beistegui foi la ganadora d'un premiu "Talía" al meyor vestuariu pol so trabayu en "Anna Bolena", una producción de la Ópera d'Uviéu estrenada nel Campoamor en septiembre de 2024, so la direición d'escena d'Emilio López y con Sabina Puértolas nel rol protagonista. La bilbaína Naiara Beistegui firmó'l vestuariu, agora premiáu pola Academia de les Artes Escéniques d'España.
La figurinista recoyó'l so "Talía", acompañada por Emilio López, na gala celebrada va unos díes nel teatru Fernán Gómez de Madrid, na qu'afararon "Gypsy" y "1936", el musical producíu y dirixíu por Antonio Banderas y la obra sobre la Guerra Civil, con testu de Juan Mayorga, Albert Boronat, Juan Cavestany y Andrés Lima. Banderas tamién recibió'l "Talía" d'honor.
La de 2025 foi la tercer edición de los premios. Ente los ganadores tán "La rosa del azafrán", una producción del Teatru de la Zarzuela que l'añu pasáu presentóse nel Campoamor, nel Festival de Teatru Llíricu d'Uviéu.
La cantante Marina Monzó, que'l próximu 31 de mayu va actuar nuna gala llírica nel Campoamor, programada dientro del Festival de Zarzuela qu'entama la Fundación Municipal de Cultura cola collaboración de LA NUEVA ESPAÑA, llevó'l "Talía" a la meyor interpretación llírica femenina pol so trabayu en "Marina".
Otru de los reconocimientos foi p'Aitana Sanchez-Gijón, pola so interpretación protagonista na obra de teatru "La madre", que pasó pel Palaciu Valdés d'Avilés en xunu de 2024.
"Cola ayuda del Gobiernu del Principáu d'Asturies"
- Los beneficiarios no podrán rechazar más de tres pisos y una renta máxima de 700 euros: todo lo que debes saber del plan de Asturias para alquilar pisos vacíos
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- Alerta roja sanitaria por calor en Asturias: estos son los 17 concejos de la región más afectados
- La inverosímil situación en la que quedó un coche en Asturias tras un accidente en la autovía: la conductora, trasladada al hospital
- La carta que 64 directores de colegio dimisionarios envían a Adrián Barbón: “Esperamos que esto sea el inicio de un cambio real en la educación y se escuche al profesorado
- Esperanza para los ganaderos asturianos: la carne de vacuno se encarece un 35% y estos son los motivos
- Ayudas de 400 euros para los jóvenes asturianos: requisitos y pasos para solicitar el Bono Cultural
