Treelogic, tercera tecnolóxica asturiana que va cotizar en Bolsa
La compañía uvieína entama una ampliación de capital valorada en 5 millones d'euros cola mira de doblar el so tamañu
Marcelino Cortina, conseyeru delegáu de Treelogic. / MIKI LÓPEZ
Treelogic prepárase pa ser la tercer compañía tecnolóxica asturiana que cotice en Bolsa, xunto con Izertis y Seresco. Amás, esta empresa con sede n'Uviéu tien entamada una ampliación de capital por valor de 5 millones d'euros. L'oxetivu d'estes operaciones ye da-y puxu al crecimientu de la compañía pa "doblar el so tamañu", según apuntó'l matemáticu entreguín Marcelino Cortina, conseyeru delegáu de Treelogic.
Con una plantía de más de cien trabayadores –los más d'ellos n'Asturies– Treelogic dedícase al diseñu, desenvolvimientu ya implantación de soluciones tecnolóxiques avanzaes que faciliten la tresformación dixital d'empreses ya instituciones. Tien una fuerte implantación en sectores como'l de la sanidá –los sos programes informáticos de triaxe pa los servicios d'Urxencies son utilizaos en permunchos hospitales– y nos últimos años especializóse na ciberseguridá basada na intelixencia artificial, un campu con altes posibilidaes de crecimientu nel que tien desarrollos propios.
Pa impulsar la so crecedera, Treelogic va facer una ampliación de capital de 5 millones d'euros al tiempu de la so solicitú pa cotizar nel segmentu BME Growth de la Bolsa española. "Tomemos esta decisión nun momentu d'aceleración y mui alta visibilidá del nuesu negociu, nel que la importante demanda esistente de los nuesos servicios albidra un crecimientu bultable de la nuesa actividá nos próximos años", señaló Marcelino Cortina, qu'amestó que "la oportunidá pa crecer que tien Treelogic ye tanto a nivel orgánicu como inorgánicu y queremos facelo del xeitu más sólidu posible, daqué que ye inherente a cotizar en BME Growth".
Treelogic zarró l'exerciciu 2024 con una facturación de 7,1 millones d'euros, lo que representa un crecimientu del 53% al respeutive de los 4,7 millones algamaos en 2023. La compañía concluyó'l pasáu añu fiscal con un resultáu brutu (ebitda) de 702.000 euros.
El conseyeru delegáu de Treelogic apuntó que cola ampliación de capital caltendrá la posición de control del actual núcleu aicionarial de la compañía asturiana.
"Cola ayuda del Gobiernu del Principáu d'Asturies"
Suscríbete para seguir leyendo
- Un futuro para 'ayudar a la gente': cuatro jóvenes médicas explican por qué han optado por la especialidad de familia
- Hay dos obras asturianas en el caso de corrupción en la cúpula del PSOE y así fueron las conversaciones de Koldo para amañarlas: 'Hemos hecho bingo en Asturias
- La educación levanta la huelga tras lograr 45 millones para mejoras laborales y salariales: estas son las 37 medidas del pacto
- Multitudinaria marcha naranja de la concertada en Asturias para pedir 'igualdad' con la pública: 'Barbón nos desprecia
- El 94,57 % de los alumnos aprueba la PAU en la convocatoria de junio en Asturias
- Barbón nombra a Eva Ledo nueva consejera de Educación tras la dimisión de Lydia Espina por la huelga: 'Lo conoce todo
- ¿Cuándo salen las calificaciones de la PAU en Asturias y cuáles son las notas de corte para estudiar en la Universidad de Oviedo?
- El Parlamento asturiano rechaza la oficialidad del asturiano y del eonaviego, pero el PSOE persistirá y el PP se opone a toda 'imposición
