¿Qué conceyos asturianos tienen mayor atractivu fiscal? Cangas del Narcea lidera'l ranking
La patronal FADE encamienta a baxar impuestos locales como l'IBI, l'IAE o el de la construcción
¿Qué conceyos asturianos tienen mayor atractivu fiscal? / LNE
Cangas ye'l conceyu asturianu más competitivu fiscalmente, esto ye, el que meyor consigue caltener un equilibriu ente unos tipos impositivos baxos abondo pa ser interesantes pa la inversión y l'empléu y, al empar, xenerar los ingresos afayaízos pa financiar los servicios públicos. Pela contra, el peor nesi sentíu ye Corvera. Ye otra de les conclusiones del informe sobre fiscalidá ellaboráu pol Institutu d'Estudios Económicos (IEE) pa la Federación Asturiana d'Empresarios (FADE).
El documentu analiza, amás de la presión fiscal d'Asturies por aciu de los impuestos autonómicos (aquellos cedíos total o parcialmente pola Alministración central), los tributos qu'afiten los 25 conceyos asturianos más poblaos. Son principalmente l'Impuestu sobre Bienes Inmuebles (IBI), l'Impuestu sobre Actividaes Económiques (IAE), Impuestu sobre Vehículos de Tracción Mecánica (popularmente conocíu como la "viñeta"), l'Impuestu sobre la Medría de Valor de los Terrenes de Naturaleza Urbana (conocíu como la "plusvalía municipal") y l'Impuestu sobre Construcciones, Instalaciones y Obres (ICIO).
D'estos, el que más incidencia tien ye claramente l'IBI, qu'apurre'l 63,8% de la recaudación de los tributos locales n'Asturies, nes sos estremaes tribes: IBI rústicu, IBI urbanu ya IBI sobre los inmuebles de carauterístiques especiales (como por casu centros comerciales o fábriques). La media del tipu de gravame na comunidá ye del 0,66%, cinco décimes más que'l promediu nacional (0,59%). Dientro d'Asturies, los cinco conceyos col IBI más altu son Corvera (0,92%), Grau (0,88%), Mieres (0,85%), Pravia (0,85%) y Cangues d'Onís (0,83%). Y los cinco tipos más baxos páguense en Carreño (0,40%), Xixón (0,45%), Uviéu (0,54%), Castrillón (0,56%) y Siero (0,58%). Ello ye que Carreño ye l'únicu conceyu asturianu qu'impon el mínimu del IBI afitáu por llei (0,40%).
Índice de competitividad fiscal local normativa en Asturias en 2024 / LNE
Al respeutive del IAE, los conceyos modúlenlu estableciendo un coeficiente (que tien de tar ente'l 0,4 y el 3,8) en función del allugamientu del local. Namás trés imponen el máximu del 3,8: Cangues d'Onís, Carreño y Corvera, asitiándose bien perriba tanto del promediu nacional como del asturianu (1,9). Los más baxos aplíquense en Pravia (1), Cangas (1,5) y Valdés (1,5).
El documentu rescampla'l fechu de que'l tipu mediu n'Asturies del ICIO ye del 3,8%, mui cercanu al máximu llegal del 4%. Por casu, namás dos conceyos lu establecen per debaxo del 3%: Valdés (2,7%) y Tinéu (2,3%).
L'informe conclúi qu'Asturies "presenta tipos moderadamente elevaos nel ICIO, l'IAE y l'IBI, lo qu'encarez la inversión y puede frenar la espansión de les empreses locales", y señala que la comunidá tien "marxe de meyora en comparanza con comunidaes como Castiella y Lleón".
"Cola ayuda del Gobiernu del Principáu d'Asturies"
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Perlora, la Ciudad de Vacaciones de Asturias que pasó de ser un sueño de verano a ahogarse en maleza
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- La familia Madera, una de las más acaudaladas de Asturias, abre en Menorca su quinto alojamiento de lujo y prepara su salto a un país de África
- Cambio brusco del tiempo en Asturias: a partir de mañana... vuelven las nubes y el orbayo
- ¿Qué pasará con el peaje del Huerna?: la UE lo considera ilegal y le da dos meses al Gobierno para “adoptar medidas”
- ¿Hasta cuándo va a durar el orbayo en Asturias?: esta es la previsión para los próximos días
