Los países de la UE sofiten llibrar del arancel del aceru al 90% d'empreses
Los estaos miembros quieren que namás los grandes importadores paguen col mecanismu d'axuste de carbonu en frontera
Aceru européu.
Los gobiernos de la Unión Europea sofitaron esti día la reforma del mecanismu d'axuste de carbonu en frontera (CBAM), l'arancel ambiental a la importación de productos como l'aceru demandáu con urxencia pola industria siderúrxica y por gobiernos rexonales como'l del Principáu d'Asturies. Na práutica, la reforma va suponer llibrar al 90% de les empreses de tener que pagar esti recargu una y bona s'empiece a aplicar en 2026.
Los Estaos miembros afitaron la so posición negociadora nes conversaciones que tienen d'empezar agora col Parlamentu Européu, la otra institución con poderes lexislativos, de cara a alcordar la redaición definitiva de la lexislación.
El cambiu d'esti mecanismu, mui demandáu por industries como la de la siderurxa, pon en 50 tonelaes de CO2 al añu l'estragal por que los operadores tean obligaos a abonar el CBAM, lo qu'amenorga a un 10 % les compañíes afectaes pol mesmu.
El Conseyu de la UE (que representa a los países) informó de qu'esti cambiu va beneficiar principalmente a pequeñes y medianes empreses ya inclusive a persones qu'importen "cantidaes pequeñes o insignificantes de bienes cubiertos" por esti arancel climáticu, como ye'l casu del aceru, pero tamién del fierro, l'aluminiu, el cementu, los fertilizantes, la eletricidá y l'hidróxenu. Asina, esta institución sorrayó que'l cambiu "nun compromete los oxetivos climáticos" de la UE porque "alredor del 90 % de les emisiones (de CO2) acomuñaes a los bienes importaos cubiertos pol CBAM van siguir cubiertes".
Amás, el Conseyu señala que los cambios simplifiquen los trámites d'autorización pa los operadores qu'importen bienes suxetos al arancel, faciliten el cálculu de les emisiones y meyoren la xestión de la responsabilidá financiera, amás de reforzar les midíes destinaes a prevenir abusos.
Estos cambios sobre'l funcionamientu del arancel del bloque pa gravar les importaciones con elevada buelga de carbonu forma parte de la primera de les rondes de simplificación llexislativa que la Comisión Europea ta impulsando nos sos primeros meses de mandatu como parte de los sos esfuerzos pa meyorar la competitividá de la Unión Europea.
L'Executivu comunitariu arrexunta dende ochobre de 2023 datos sobre importaciones de cementu, aceru, aluminiu o fertilizantes nuna fase "transitoria" hasta qu'empiece a recaudar esti arancel a partir de 2026.
"Cola ayuda del Gobiernu del Principáu d'Asturies"
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- Asturias mantiene el pulso de aprobados en la PAU (con varios estudiantes de 10): consulta aquí las notas
- Estudio previo y constante durante todo el año: la receta de los que sacaron un 10 en la PAU en Asturias y ahora pueden descansar
- Crecen las voces en el PSOE asturiano que piden adelantar las elecciones generales
- Barbón admite que se 'explicó mal' respecto a la concertada: 'Yo también cometo errores
- Esperanza para los ganaderos asturianos: la carne de vacuno se encarece un 35% y estos son los motivos
- Un ciclista cae por un precipicio de treinta metros junto al cementerio de Candás
