Entama la investigación pa evaluar la población de bocarte y sardina
Los científicos analicen dellos parámetros pa sacar conclusiones sobre l'estáu d'eses especies
Bocarte n'El Musel. / Marcos León
El Ministeriu d'Agricultura, Pesca y Alimentación, en collaboración col centru científicu y tecnolóxicu vascu AZTI, entamó la campaña d'investigación científica "Bioman" pa evaluar l'estáu de les poblaciones de bocarte y sardina nel golfu de Vizcaya, un área marina onde estes dos especies tienen una gran importancia pa l'actividá de la flota pesquera.
La campaña realízase a bordu de los buques oceanográficos "Emma Bazán" y "Vizconde de Eza" y desenvuélvese n'agües del golfu de Vizcaya, dientro de la zona económica esclusiva d'España y Francia, dende'l Cantábricu central hasta'l sur de Bretaña, área habitual de pesca de la flota de cercu española.
Pa la evaluación de la biomasa y la conocencia del estáu d'estes especies, utilícense métodos científicos como l'analís de güevos, estudios acústicos y carauterización hidrográfica. La recoyida de datos tamién va incluyir observaciones sobre biodiversidá marina y presencia de microplásticos, dientro d'un enfoque ecosistémicu que contempla cetáceos, aves marines, tiburones, peces y plancton.
Los resultaos llograos van usase polos grupos científicos del Conseyu Internacional pa la Esploración del Mar (ICES, pola so denominación n'inglés), que fae unos encamientos que son la base pa establecer cuotes y llendes de captura tanto nel Conseyu de Ministros de Pesca de la Unión Europea como n'alcuerdos billaterales, como'l que caltienen España y Portugal pa la sardina.
La campaña "Biomán" enxaretase nel Programa Nacional de Datos Básicos del Sector Pesqueru, cofinanciáu pol Fondu Européu Marítimu, de Pesca y d'Acuicultura (FEMPA), y realízase gracies al conveniu ente la Secretaría Xeneral de Pesca y AZTI, que facilita l'usu compartíu de medios y recursos.
"Cola ayuda del Gobiernu del Principáu d'Asturies"
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- Asturias mantiene el pulso de aprobados en la PAU (con varios estudiantes de 10): consulta aquí las notas
- Estudio previo y constante durante todo el año: la receta de los que sacaron un 10 en la PAU en Asturias y ahora pueden descansar
- Crecen las voces en el PSOE asturiano que piden adelantar las elecciones generales
- Barbón admite que se 'explicó mal' respecto a la concertada: 'Yo también cometo errores
- Esperanza para los ganaderos asturianos: la carne de vacuno se encarece un 35% y estos son los motivos
- Un ciclista cae por un precipicio de treinta metros junto al cementerio de Candás
