Asturies reconoz por primera vegada l'asturianu y el gallego-asturianu nos sos premios estraordinarios al esfuerzu personal y al rendimientu académicu
Un momentu de la ceremonia d'entrega de los Premios estraordinarios al esfuerzu personal y al rendimientu académicu. / Principáu d'Asturies
S. C.
La Conseyería d'Educación reconoció'l vienres pasáu en Xixón a 60 estudiantes na ceremonia d'entrega de los premios estraordinarios al esfuerzu personal y al rendimientu académicu. Los galardones distribuyéronse esti añu n'ocho categoríes, una más que nes ediciones anteriores, al incluyir per primer vegada la conocencia de la llingua asturiana y el gallego-asturianu.
Estos galardones reconocen el trabayu realizáu pol alumnáu y la contribución de tola comunidá educativa. Amás del espediente académicu y de los estremaos méritos, los participantes de delles de les categoríes tuvieron que sometese tamién a una prueba adicional pa determinar al ganador o ganadora.
Premiu al conocimientu de la llingua asturiana
La principal novedá d'esta convocatoria foi la incorporación d'una categoría pa premiar la conocencia de la llingua asturiana y del gallego-asturianu, que se dirixió a alumnáu de Secundaria Obligatoria y Bachilleratu y que tuvo gran acoyida nos centros. Amás, como curiosidá, hubo un alumnu, Daniel González Álvarez, que llogró dos distinciones: en Bachilleratu y n'Enseñances Artístiques Profesionales.
En total, apurriéronse 61 premios -cinco más qu'en 2024- n'ocho categoríes: al esfuerzu personal n'Educación Secundaria Obligatoria (ESO); al rendimientu académicu n'ESO; premios estraordinarios de Bachilleratu; concursu hispanoamericanu d'ortografía; premios estraordinarios del alumnáu d'Enseñances Artístiques Profesionales; premios estraordinarios del alumnáu d'Enseñances Artístiques Superiores; premios estraordinarios de FP de grau superior, y premios estraordinarios a la conocencia de la llingua asturiana y del gallego-asturianu.
L'alumnáu galardonáu recibió un diploma acreditativu y un premiu en metálicu, amás d'una bolsa con una llibreta, un bolígrafu y un pin col escudu oficial del Principáu.
La ceremonia tuvo amenizada pola Little Band, del Conservatoriu Profesional de Música y Danza de Xixón, dirixida por Alberto Castelló, qu'interpretó trés pieces clásiques de Miles Davis, Antonio Carlos Jobim y Doug Beach.
"Cola ayuda del Gobiernu del Principáu d'Asturies"
- Así son las nuevas jubilaciones anticipadas, en las que ya trabajan los sindicatos asturianos: 'No será una barra libre
- Ahora muchos lo ven claro en el PSOE: Lastra fue 'borrada de Ferraz' por la denuncia del 'puterío' de Ábalos... y Cerdán tomó el poder
- Asturias mantiene el pulso de aprobados en la PAU (con varios estudiantes de 10): consulta aquí las notas
- Estudio previo y constante durante todo el año: la receta de los que sacaron un 10 en la PAU en Asturias y ahora pueden descansar
- Crecen las voces en el PSOE asturiano que piden adelantar las elecciones generales
- Barbón admite que se 'explicó mal' respecto a la concertada: 'Yo también cometo errores
- Esperanza para los ganaderos asturianos: la carne de vacuno se encarece un 35% y estos son los motivos
- Un ciclista cae por un precipicio de treinta metros junto al cementerio de Candás
