Los asturianos recatien l'encarecimientu de los packs de viaxe con reserves adelantaes
L'anticipación na compra de pasaxes y d'estancies n'hoteles, que van siguir xubiendo, puede reportar aforros d'hasta'l 20%
Los asturianos recatien l'encarecimientu de los packs de viaxe con reserves adelantaes / LNE
Sacar agora los billetes d'avión y la reserva hotelera va ser, cuasi de xuru, más barato qu'en xunetu pero sobre'l 15 o 20 por cientu más caro que nel primer trimestre del añu, que foi cuando miles d'asturianos planiaron, zarraron y contrataron les sos vacaciones de branu beneficiándose asina de los meyores precios posibles nun contestu inflacionista. "Realmente les primeres reserves yá se fixeron n'avientu, que ye cuando empieza la campaña de vacaciones de branu", asegura Ínigo Fernández Ortiz, presidente d'Otava, l'Asociación d'Operadores Turísticos y Axencies de Viaxes d'Asturies.
Lo que busquen preferentemente los asturianos, según les apreciaciones de los axentes de viaxe, ye "comodidá" nel desplazamientu y nes estancies. La duración estándar de los viaxes vacacionales braniegos ye d'ente ocho y diez díes, el "rei" ye'l pack qu'inclúi tresporte y agospiamientu y esti últimu estrémase práuticamente al cincuenta por cientu ente'l que se contrata con media pensión y el "too incluyío".
Les ventes de packs braniegos "van bien", asegura'l presidente d'Otava. Un indicativu de lo "bien" que se tán vendiendo dellos destinos ye que los vuelos chárter fletaos a Madeira (Isles Azores) o Puglia (la Toscana blanca del sur d'Italia) yá tán llenos y pa otros apenes queden billetes, casu del que conecta con Francfort y abre la puerta a facer circuitos per Alsacia y la Selva Negra. Les axencies de viaxes asturianes comercialicen pa esti branu como destín estrella pa esta campaña Exiptu, que yá tien reservaes cinco conexones aérees; nun queda p'atrás Cabu Verde, con trés.
Les costes d'España siguen ente les preferencies de los asturianos, que lo mesmo se deciden poles Isles Baleares que por Canaries –con Fuerteventura como "puntu caliente"– o los destinos peninsulares. Na puxanza de les isles o de la Costa del Sol tien enforma que ver, según los profesionales de los viaxes, la esistencia de vuelos direutos dende Asturies.
"Cola ayuda del Gobiernu del Principáu d'Asturies"
- Una incidencia en las oposiciones de Secundaria pone en riesgo una de las pruebas: este es el tribunal afectado
- Toda Asturias estará mañana en alerta por fuertes tormentas (y hoy, para la noche de San Juan, también lloverá en muchas zonas)
- ¿Cuántos pensionistas asturianos cobran más de 3.000 euros brutos al mes? La región está segunda en el ranking nacional
- Duro Felguera anuncia un ERE para casi todas las empresas del grupo: estas son las afectadas
- Ocho mil opositores pelean en Asturias por 770 plazas de profesor de Secundaria y FP: 'Es una lotería
- Emoción y aplausos en el regreso de Eslovaquia a Asturias de los setenta y cinco militares del Cabo Noval: 'Misión cumplida
- El mapa sanitario asturiano cambiará en 2026: tres áreas sanitarias, mayor coordinación e impulso a los puestos de difícil cobertura
- La carne asturiana, en guerra en su mejor momento con Ternera Asturiana y el Principado enfrentados
