Bruxeles escueye Avilés pa un cume d'espertos sobre industria
La xornada va celebrase n'ochobre con meses d'alderique sobre aranceles, el preciu de la enerxía, el mercáu internacional y la defensa del sector industrial
Un operariu mueve nuna grúa una bobina d'aceru galvanizáu. | R. S.
Avilés foi la ciudá escoyida p'acoyer el próximu mes d'ochobre un cume européu nel que se va aldericar sobre la defensa de la industria del vieyu continente frente a la competencia d'otros países. L'analís va centrase n'asuntos relevantes como l'impuestu al carbonu o la busca de fórmules de defensa comercial frente a, por casu, la política arancelaria de Donald Trump, qu'aplica con especial roxura al aceru y al aluminiu.
La escoyeta d'Avilés esplícase, según les fontes consultaes, "pol pesu industrial que tien y porque Asturies ta presente de manera relevante nel grupu dedicáu a la industria dientro del Comité Européu de les Rexones. Y el conceutu d'industria más anovación ye un exemplu de lo que tenemos de facer pa competir como enclave industrial frente a otros territorios".
El cume n'Avilés ye un seminariu téunicu entamáu pola Comisión de Política Económica (ECON) del Comité Européu de les Rexones (CoR). Más allá del alderique internu, va haber visites de campu y alternatives de triba cultural que complementen el programa, qu'entá ta n'ellaboración.
L'oxetivu, amestaron les mesmes fontes, ye analizar el Plan d'Aición del Aceru y los Metales de la Comisión Europea con paneles d'espertos y meses d'alderique. Ello ye que se la quier entamar con asuntos como'l preciu de la enerxía pa la industria electrointensiva, la inestabilidá del mercáu internacional, la necesidá de protexer el mercáu interior y la revisión de la lexislación en materia d'ayudes d'estáu.
L'alderique ye crucial p'Avilés y p'Asturies, teniendo en cuenta'l pesu de la multinacional siderúrxica ArcelorMittal na economía asturiana. La propuesta pasa por implicar a la sociedá civil, al sector industrial, a los estaos miembros y les instituciones europees nel apueste pola industria.
"Cola ayuda del Gobiernu del Principáu d'Asturies"
- Una incidencia en las oposiciones de Secundaria pone en riesgo una de las pruebas: este es el tribunal afectado
- Toda Asturias estará mañana en alerta por fuertes tormentas (y hoy, para la noche de San Juan, también lloverá en muchas zonas)
- ¿Cuántos pensionistas asturianos cobran más de 3.000 euros brutos al mes? La región está segunda en el ranking nacional
- Duro Felguera anuncia un ERE para casi todas las empresas del grupo: estas son las afectadas
- Ocho mil opositores pelean en Asturias por 770 plazas de profesor de Secundaria y FP: 'Es una lotería
- Emoción y aplausos en el regreso de Eslovaquia a Asturias de los setenta y cinco militares del Cabo Noval: 'Misión cumplida
- El mapa sanitario asturiano cambiará en 2026: tres áreas sanitarias, mayor coordinación e impulso a los puestos de difícil cobertura
- La carne asturiana, en guerra en su mejor momento con Ternera Asturiana y el Principado enfrentados
