L'Academia de la Llingua entama un ciclu d'alcuentros pa compartir el so llabor col públicu
Academia de la Llingua Asturiana. / EP
S. C.
L'Academia de la Llingua Asturiana entama esti mesmu 17 de xunu de 2025, a les 19.30 hores, los "Alcuentros na ALLA", un ciclu onde los académicos van ufrir al alderique les sos reflexones, análisis y vivencies en rellación cola so xera na Academia.
En cada alcuentru, un miembru de la institución va proponer un tema concretu pa que'l públicu, d'un xeitu específicu y sistemáticu, vaya dirixendo la esposición, pente medies d'entrugues o comentarios concretos, a lo llargo d'una hora.
Esti 17 de xunu de 2025, a les 19.30 hores, el presidente de la institución, Xosé Antón González Riaño, abre'l ciclu qur tien por títulu "L'ALLA, camín del mediu sieglu nel llabor normativu y tutelar", onde, depués d'una pequeña presentación de la temática que se propón abordar, el públicu asistente va tener la oportunidá d'entrugar al académicu de la llingua asturiana sobre'l so trabayu y esperiencia nesa estaya del llabor de la institución.
L'Academia aguarda por que'l resultáu d'esti ciclu d'alcuentros seya granible y algame a esparder y desplicar d'una manera más específica y personal el llabor históricu y de futuru de la institución y los sos integrantes. D'esta miente, la frecuencia prevista ye trimestral y el llugar d'alcuentru ye'l propiu llar de la institución.
"Cola ayuda del Gobiernu del Principáu d'Asturies"
- ¿Es posible seguir el rastro de los tiburones en las playas de Asturias? Sí, con ayuda ciudadana
- El mejor pueblo de Asturias para tener una casa de verano, según ChatGPT
- Asturias sufre la tormenta perfecta en verano: obras en el AVE y en el Huerna prolongan a cinco horas el viaje con Madrid
- La consejera de Educación ficha a la coordinadora de Matemáticas en la PAU y a una inspectora: este es el equipo que liderará el cambio educativo en Asturias
- Adiós al buen tiempo en Asturias: mañana llega una dana y la Aemet activa la alerta por lluvias y tormentas
- Diecisiete compañías chinas colocan su foco de inversión en Asturias y hay gigantes como Huawei, CTG o Air China
- El Principado no quiere otro conflicto y convoca a los médicos para evitar la huelga a cambio de medidas
- Asturias se queda sin altos cargos en Industria con la salida de Francisco Blanco
