Marlén Alonso cocina en Llangréu la receta perfeuta con intelixencia artificial
Una vecina de La Felguera llogra un premiu européu pola so propuesta pa ellaborar recetes con chatGPT y sobres de la comida
Alonso, na cocina de la so casa de La Felguera, consultando'l teléfonu pa cocinar. | M. Á. G.
Un domingu cualesquier. ¿A quién nun-y pasó ? Marlén Alonso, vecina de La Felguera nacida n'Uviéu, ta en casa pensando qué facer pa cenar. La nevera ta vacía cuasi dafechu y ponse a buscar recetes per internet pa cocinar daqué colo poco que tien: unos pimientos que yá tán pa poco, cebolla, dalguna verdura más y una bolina de carne picao conxelao. "Toles recetes qu'atopaba per internet llevaben dalgún ingrediente que nun tenía y que nun podía mercar un domingu". Optó pola intelixencia, nesti casu artificial. "Pregúnte-y a chatGPT qué podía facer colo que tenía", recuerda. El resultáu fueron "unos pimientos rellenos que nun taben nada mal". L'esperimentu salió tan bien que "avecéme a mirar bien lo que tenía y a pregunta-y a la intelixencia artificial qué podía facer con eso primero que salir a mercar".
Esta uvieína allugada en Llangréu comentó-ylo a una compañera de trabayu y esta afalóla a presentase a un concursu sobre desperdiciu alimentariu que convocaba Coxersa, el consorciu de xestión de residuos d'Asturies, dientro de la Selmana Europea de Prevención de Residuos.
Marlén Alonso, a la derecha, col so premiu européu. / LNE
Alonso presentóse na categoría "Ciudadanía" y nes bases pidíase que'l proyeutu tuviera daqué d'espardimientu, asina qu'abrió la cuenta de Instagram "Cucuruxina na cocina" y propunxo un retu: "cocinar a lo llargo d'una selmana con chatGPT". "Tuvi toa esa selmana ensin facer compra, asina qu'amás aforré dineru, y un día nin siquier tuvi que cocinar porque me sobrara comida", esplica Marlén. Al retu axuntáronse los siguidores que diben apurriendo les recetes qu'ellos facíen ayudaos pola intelixencia artificial.
Marlén Alonso presentóse a los galardones "ensin nenguna mira", pero ganó'l premiu de Coxersa col so "De sobra a sabrosu, de ChatGPT al gozu" na categoría de "Ciudadanía".
Esi premiu sirvió-y pa optar a ún de los galardones europeos de prevención de residuos, nel que participaben 12.724 proyectos de 29 países. "Avisáronme de que yera una de les trés finalistes y quedé plasmada porque sabía qu'había bien de xente, persones particulares pero tamién entidaes públiques, empreses o centros educativos".
Va una selmana, Marlén Alonso tuvo que viaxar a Leeuwarden (Países Baxos) y presentar la so idea nel Circular Summit Fryslân 2025. Resultó ganadora. Consiguiólo énte miles de proyeutos "pola so capacidá pa conectar con tolos públicos, y la forma anovadora na que se combinen ferramientes dixitales con oxetivos ecolóxicos".
Marlén nun ye cocinera nin esperta n'intelixencia artificial pero ye aficionada a les dos coses y xuntándoles llogró trunfar (y aforrar).
"Cola ayuda del Gobiernu del Principáu d'Asturies"
- El metal asturiano no encuentra trabajadores: los motivos por los que la mitad de las empresas del sector tiene empleos sin cubrir
- Éstas son las notas de corte de la Universidad de Oviedo para el próximo curso: hay tres grados por encima del 13
- Perlora, la Ciudad de Vacaciones de Asturias que pasó de ser un sueño de verano a ahogarse en maleza
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- La familia Madera, una de las más acaudaladas de Asturias, abre en Menorca su quinto alojamiento de lujo y prepara su salto a un país de África
- Cambio brusco del tiempo en Asturias: a partir de mañana... vuelven las nubes y el orbayo
- ¿Qué pasará con el peaje del Huerna?: la UE lo considera ilegal y le da dos meses al Gobierno para “adoptar medidas”
- ¿Hasta cuándo va a durar el orbayo en Asturias?: esta es la previsión para los próximos días
