Casandra, el proyeutu que lleva la robótica y los exoesqueletos a Idesa
La empresa del Grupu Daniel Alonso participa nun consorciu de 13 socios p'avanzar na implantación de nueves tecnoloxíes
Representantes del consorciu Casandra na visita a Idesa n'Avilés. | IDESA
Idesa, la empresa del Grupu Daniel Alonso dedicada al diseñu, fabricación y suministru d'equipos en tol mundu pal sector enerxéticu y especializáu en componentes de grandes dimensiones, prepárase pa caltener la so competitividá nel mercáu mundial magar la competencia asiática, y en concretu frente a China.
Ello ye que busca na I+D y l'anovación l'aplicación de nueves tecnoloxíes que-y permitan caltener la calidá de los productos fabricaos, la eficiencia y los servicios acomuñaos al ciclu de vida. Un oxetivu pal que s'integró nel proyeutu Casandra, col que va avanzar na implantación de nueves tecnoloxíes de fabricación dixital, robótica y exoesqueletos.
Los exoesqueletos industriales intégrense nel puestu de trabayu compartiendo datos con robots collaborativos y cola intelixencia artificial que gobierna'l sistema. D'esti xeitu, un soldador que tien por un tubu, o qu'axusta la carcasa d'un reactor, recibe l'asistencia mecánica xusta según la postura, pesu y duración de la xera.
El proyeutu Casandra d'I+D entamó en febreru y ta financiáu nel marcu del programa del CDTI Tresmisiones 2024. El plazu de vixencia ye de cuatro años, hasta 2028, y tien como oxetu fincar delles teunoloxíes de fabricación dixital. Esta iniciativa ta liderada pol centru tecnolóxicu gallegu AIMEN, col qu'Idesa yá participó nel proyeutu européu Penélope.
Nel proyeutu Casandra participen un total de 13 entidaes ente empreses, centros teunolóxicos y organismos públicos d'investigación. Representantes de toos ellos visitaron apocayá les instalaciones d'Idesa n'Avilés pa conocer los sos procesos de fabricación.
"Cola ayuda del Gobiernu del Principáu d'Asturies"
- Oleada de cambios en la Iglesia asturiana tras la petición de varios sacerdotes de abandonar su cargo: 'Es la hora de terminar el proyecto que me habían encomendado
- Los 13 millones que recibirá Asturias para el arreglo urgente de carreteras: estas son las actuaciones
- Los estudiantes lo tienen 'crudo' para alquilar un piso en Asturias, aunque las chicas un poco menos: los caseros las prefieren a ellas
- Máxima prudencia' en la carretera: la Aemet activa en Asturias la alerta amarilla por tormentas coincidiendo con la operación salida
- Alerta de los ingenieros con el tren en Asturias: el transporte de mercancías, en peligro
- ¿Cuál es la postura de los socialistas asturianos tras el comité federal del PSOE? Apoyo a Pedro Sánchez, pero con algunos avisos...
- Reorganización en la Iglesia asturiana: estos son todos los cambios de sacerdotes que se producirán en septiembre (más una novedad que afecta a Covadonga)
- Tras los profesores... turno de los médicos: amenazan con la huelga por los salarios y traslados en Asturias
