ArcelorMittal quíta-y posibilidaes al proyeutu de l'acería eléctrica d'Avilés: estos son los motivos
El multinacional arrenuncia a 1.300 millones pa la descarbonización de dos fábriques n'Alemania y considera inviables les plantes DRI como la de Xixón
Arcelor Avilés. / LNE
La obra de l'acería eléctrica d'ArcelorMittal n'Avilés, clave pa descarbonizar y caltener la capacidá de producción d'aceru n'Asturies, va depender de los precios de la lluz n'España, qu'esti añu son más caros qu'en países competidores como Alemania o Francia.
ArcelorMittal acaba d'anunciar qu'arrenuncia a los sos planes pa descarbonizar les plantes siderúrxiques alemanes de Bremen y d'Eisenhüttenstadt. El grupu yá adelantó en payares de 2024 que por cuenta de que "les condiciones polítiques, enerxétiques y de mercáu nun se desenvolvieren na direición esperada", nun podía tomar decisiones d'inversión finales sobre nueves plantes d'amenorgamientu direutu de mineral de fierro (DRI) y fornos d'arcu eléctricu (EAF), lo qu'afectó al proyeutu del DRI de Xixón, que ta en suspenso magar tener una ayuda europea de 450 millones.
N'Alemania había un alcuerdu col Gobiernu pa financiar con 1.300 millones les obres de los DRI-EAF de Bremen y Eisenhüttenstad, que teníen d'entamase en xunu 2025. Por eso anúnciase agora l'arrenunciu. "ArcelorMittal taba obligáu a comunicar oficialmente al Gobiernu que, por cuenta de la situación del mercáu y de la falta de rentabilidá d'una producción d'aceru con amenorgamientu de CO2, nun podía siguir coles inversiones", esplicó la compañía, qu'amás señaló que "l'hidróxenu verde entá nun ye una fonte d'enerxía viable y que la producción de DRI a base de gas natural como solución transitoria nun ye competitiva".
Aceríes eléctriques
Sicasí, ArcelorMittal precisó que, cola mira d'impulsar una descarbonización gradual n'Europa, va concentrase en planiar la construcción de fornos d'arcu eléctricu en Bremen y Eisenhüttenstadt "pa tar preparaos cuando la producción con fornos d'arcu eléctricu sía económicamente viable ellí". Aseguró que los primeros nuevos fornos d'arcu eléctricu van construyise "en países que puedan ufiertar un suministru d'eletricidá competitivu y predecible" y amestó que los precios actuales n'Alemania son "altos" en comparanza internacional y colos países vecinos.
Va dos meses, Arcelor yá anunció que'l próximu fornu eléctricu va ser en Dunkerque (Francia). Ellí los precios pa la industria electroientensiva son más baratos que n'Alemania y muncho más que n'España, según la patronal AEGE. Nesi escenariu, les posibilidaes de que vaya alantre'l proyeutu de l'acería eléctrica d'Avilés menguen y ello ye, la posibilidá de caltener la capacidá de producción d'aceru cuando zarre ún de los dos fornos altos de Xixón.
"Cola ayuda del Gobiernu del Principáu d'Asturies"
- Hacienda se pone firme en Asturias: inspeccionará ahora los pisos para buscar incumplidores fiscales por este motivo
- Zapatero habla de Barbón y su rechazo al acuerdo de financiación singular que propone Sánchez: 'Puede ir desarmado...
- Todo lo que perdería Asturias con la financiación singular de Cataluña: pensiones y servicios públicos, afectados
- Cambio brusco del tiempo en Asturias: a partir de mañana... vuelven las nubes y el orbayo
- El AVE arrasa: comprar billetes a Asturias es una misión imposible en su primer verano con toda la oferta
- El presidente andaluz propone a Barbón y Page 'una alianza' frente al 'cupo catalán'... y el Principado ya le ha contestado
- Otro monumental atasco en la 'Y': un accidente múltiple (sin heridos) causa retenciones de 7 kilómetros sentido Gijón/Avilés
- El Principado pide a la oposición que deje de hacer 'ruido' con la financiación catalana y Queipo solicita un pleno extraordinario ante un 'hecho gravísimo
