Récor d'usuarios nel tresporte asturianu: ¿Cuántes persones usaron l'autobús en mayu?
Les llínies d'autobús urbanu ya interurbanu caltienen l'enclín a l'alza, gracies al entamu de la tarxeta Conecta
Autobús urbanu circulando per Uviéu. / Luisma Murias / LNE
El tresporte públicu asturianu sigue ganando adeptos. Los itinerarios xestionaos pol Consorciu de Tresportes d'Asturies (CTA) superaron per primer vegada en mayu la barrera de los cinco millones d'usuarios mensuales. En concretu, 5.001.680 persones utilizaron les estremaes llínies d'autobús interurbanes y urbanes del Principáu.
L'acumuláu de viaxeros de xineru a mayu d'esti añu xube a 24.065.817, lo que supon cerca de dos millones más que nel mesmu periodu de 2024. D'ellos, cuasi'l 60% validaron los sos trayectos cola tarxeta Conecta, que permite movese per toa Asturies por un máximu de 30 euros al mes. En comparanza con 2024, l'usu d'esta tarxeta aumentó un 17%.
Pal Principáu, estos datos afiten un enclín al alza nel usu del tresporte públicu n'Asturies, “con un ritmu de crecimientu que dobla por muncho la media nacional”.
El Gobiernu del Principáu tien entamada una inversión perriba de los 20,5 millones procedentes de fondos europeos pa meyorar les infraestructures venceyaes al tresporte. En xineru movilizárense yá'l 87% de los fondos, procedentes del Plan de Tresformamientu, Recuperación y Resiliencia pa fomentar meyores de la movilidá nos entornos metropolitanos.
Les actuaciones desenvueltes n'Uviéu (8,2 millones), Xixón (4,9 millones), Avilés (3,2 millones) y Siero (1,8 millones) suponen un total de 17,8 millones destinaos a meyorar el serviciu de tresporte públicu pa los usuarios, xenerando espacios más cómodos y accesibles.
"Cola ayuda del Gobiernu del Principáu d'Asturies"
- Hacienda se pone firme en Asturias: inspeccionará ahora los pisos para buscar incumplidores fiscales por este motivo
- Malas noticias para los mutualistas asturianos: la devolución de los pagos de más en el IRPF volverá a demorarse (pese a las promesas del Gobierno)
- Zapatero habla de Barbón y su rechazo al acuerdo de financiación singular que propone Sánchez: 'Puede ir desarmado...
- Todo lo que perdería Asturias con la financiación singular de Cataluña: pensiones y servicios públicos, afectados
- Cambio brusco del tiempo en Asturias: a partir de mañana... vuelven las nubes y el orbayo
- El AVE arrasa: comprar billetes a Asturias es una misión imposible en su primer verano con toda la oferta
- El presidente andaluz propone a Barbón y Page 'una alianza' frente al 'cupo catalán'... y el Principado ya le ha contestado
- Otro monumental atasco en la 'Y': un accidente múltiple (sin heridos) causa retenciones de 7 kilómetros sentido Gijón/Avilés
