Graciela Iturbide revela l'alma de México con una gran antolóxica en Madrid
La ganadora del "Princesa" de les Artes 2025 inaugura esposición en PhotoEspaña
Graciela Iturbide, na inauguración. / Casa de México
La esposición "Cuando habla la luz", acabante inaugurar na Casa de México en Madrid dientro del programa oficial de PhotoEspaña, axunta lo meyor de la fotógrafa mexicana Graciela Iturbide (Ciudá de México, 1942), flamante ganadora del premiu "Princesa d'Asturies" de les Artes 2025 y dueña d'una obra que, cola so "fuerza y fondura", contribuyó "al conocimientu de les tradiciones y costumes" del so país y les sos xentes.
Una de les obres espuestes. / Casa de México
L'antolóxica amuesa 115 de les sos meyores fotografíes, realizaes ente 1972 y 2017, nun percorríu por 45 años nos qu'Iturbide aportó a ser "la máxima esponente de la fotografía en México". "En dalgún tiempu prestárame ser antropóloga", confesaba la fotógrafa al inaugurar la esposición.
Una de les obres espuestes. / Casa de México
Ente les imaxes espuestes tán les más icóniques d'Iturbide, "Nuestra señora de las iguanas" y "La mujer ángel", ente elles.
"Cuando habla la luz", comisariada por Juan Rafael Coronel Rivera, tamién fotógrafu y amás poeta, en collaboración con Fomento Cultural Banamex, revisa les moliciones estétiques de l'artista. Empieza coles obres de corte retratísticu y acaba nuna serie d'imaxes nes que la creadora interesase pola xeometría. Nel centru tán les obres iconográfiques que la fixeron merecedora de fama mundial y a la fin, como zarru, les aves, tema tópicu nella.
Una de les sales de la esposición "Cuando habla la luz", na Casa de México de Madrid. / Casa de México
La esposición va permanecer en Madrid hasta'l 14 de setiembre y nun diba ser raro qu'unes selmanes dempués, en víespores de los premios, llegara a Asturies. Ye llueu p'albidralo porque la Fundación Princesa d'Asturies entá nun empezó a entamar la programación cultural d'esta edición.
"Cola ayuda del Gobiernu del Principáu d'Asturies"
- Oleada de cambios en la Iglesia asturiana tras la petición de varios sacerdotes de abandonar su cargo: 'Es la hora de terminar el proyecto que me habían encomendado
- Los 13 millones que recibirá Asturias para el arreglo urgente de carreteras: estas son las actuaciones
- Los estudiantes lo tienen 'crudo' para alquilar un piso en Asturias, aunque las chicas un poco menos: los caseros las prefieren a ellas
- Máxima prudencia' en la carretera: la Aemet activa en Asturias la alerta amarilla por tormentas coincidiendo con la operación salida
- Alerta de los ingenieros con el tren en Asturias: el transporte de mercancías, en peligro
- ¿Cuál es la postura de los socialistas asturianos tras el comité federal del PSOE? Apoyo a Pedro Sánchez, pero con algunos avisos...
- Reorganización en la Iglesia asturiana: estos son todos los cambios de sacerdotes que se producirán en septiembre (más una novedad que afecta a Covadonga)
- Tras los profesores... turno de los médicos: amenazan con la huelga por los salarios y traslados en Asturias
