La consultora tecnolóxica asturiana Izertis va dar el saltu al mercáu continuu de Bolsa a mediaos de xunetu
Los accionistes aprueben la operación, pendiente de la CNMV
Pablo Martín, presidente d'Izertis, tañe la campana cola qu'inauguró la so cotización nel BME Growth en 2019.
La consultora tecnolóxica asturiana Izertis cuenta empezar a cotizar nel mercáu continuu na primer quincena de xunetu. La xunta xeneral d'accionistes de la compañía dio va unos díes el permisu pa saltar dende'l mercáu d'empreses emerxentes BME Growth, onde Izertis cotiza dende el 25 de payares de 2019.
Depués del vistu bonu de los accionistes namás queda pendiente l'aprobación de la operación por parte de la Comisión Nacional del Mercáu de Valores (CNMV), que va analizar la cuestión esta selmana. D'esta miente, Izertis va ser la segunda compañía que salga a cotizar al mercáu continuu en 2025 y va axuntase a HBX Group, que lo fexo'l pasáu 13 de febreru. Coles mesmes, va convertise na quinta empresa (xunta a MásMóvil, Carbures, Grenergy y Atrys) que dea'l saltu dende'l BME Growth al principal segmentu de la Bolsa española, daqué qu'asocedió per última vegada en 2022, cuando lo fixo Atrys Health.
"La modalidá d'incorporación va ser per aciu de 'listing' de les acciones esistentes, esto ye, nun se va producir nin una OPV (operación pública de venta) nin una OPS (ufierta pública de suscripción). El vistu bonu definitivu de la CNMV trai la esclusión de les sos acciones del BME Growth y l'almisión a negociación nel mercáu continuu pa cotizar nes Bolses de Madrid, Barcelona , Bilbao y Valencia al traviés del sistema de interconexón bursátil", detalló la empresa.
Izertis sorrayó qu'esti movimientu ye estratéxicu pa la compañía cuidao que-y permitirá ufiertar una mayor lliquidez a los sos accionistes, amás de facilitar l'accesu a los inversores institucionales, nacionales ya internacionales. La capitalización d'Izertis a 26 de xunu de 2025 ye de 255,94 millones d'euros y dende payares de 2019, cuando entamó la so cotización colos sos títulos en 1,7 euros, la revalorización de la compañía foi del 440%, cuidao que les sos acciones agora intercámbiense en 9,18 euros.
L'equipu direutivu de la compañía teunolóxica xixonesa y los trabayadores tienen el 16,7% de les acciones, asitiándose como segundos accionistes depués del so presidente y fundador, Pablo Martín, qu'ostenta'l 47,54%. El Grupu Anémona tien el 5,68%.
Seresco
Per otru llau, la otra teunolóxica asturiana que cotiza nel BME Growth, Seresco, va empezar a cotizar de forma continua nesti mercáu a partir del próximu 1 de xunetu, polo que va abandonar la modalidá de 'fixing', na que namás s'axusten los sos títulos en dos momentos determinaos del día.
"Cola ayuda del Gobiernu del Principáu d'Asturies"
- Estos son los 35 candidatos a ser Pueblo Ejemplar de Asturias, un récord de aspirantes del Oriente al Occidente de la región
- Están echando a los empresarios de Asturias', clama Luis Fernández-Vega sobre al polémico impuesto de sucesiones
- Un ovetense se gradúa en Derecho a los 76 años y es su hijo, vocal del Poder Judicial, quien le entrega la beca de licenciado: 'Papá, eres ejemplo de perseverancia
- ¿Es posible seguir el rastro de los tiburones en las playas de Asturias? Sí, con ayuda ciudadana
- El mejor pueblo de Asturias para tener una casa de verano, según ChatGPT
- Asturias sufre la tormenta perfecta en verano: obras en el AVE y en el Huerna prolongan a cinco horas el viaje con Madrid
- La consejera de Educación ficha a la coordinadora de Matemáticas en la PAU y a una inspectora: este es el equipo que liderará el cambio educativo en Asturias
- Adiós al buen tiempo en Asturias: mañana llega una dana y la Aemet activa la alerta por lluvias y tormentas
